Роза Маратаўна Турарбекава

У Вікіпедыі ёсць артыкулы пра іншых людзей з прозвішчам Турарбекава.

Роза Маратаўна Турарбекава (нар. 15 ліпеня 1970(1970-07-15), Алматы) — беларускі палітолаг, палітык. Кандыдат гістарычных навук (1997), дацэнт^[1].

Роза Маратаўна Турарбекава
Дата нараджэння	15 ліпеня 1970(1970-07-15) (55 гадоў)
Месца нараджэння	Алматы, Алмацінская вобласць, Казахская ССР, СССР
Грамадзянства	Беларусь
Муж	Павел Усеваладавіч Церашковіч
Месца працы	Універсітэт «Кайнар»[d] факультэт міжнародных адносін БДУ Еўрапейскі гуманітарны ўніверсітэт Гісенскі ўніверсітэт Еўразійскі нацыянальны ўніверсітэт імя Л. М. Гумілёва[d]
Навуковая ступень	кандыдат гістарычных навук
Навуковае званне	дацэнт
Альма-матар	Казахскі нацыянальны ўніверсітэт імя аль-Фарабі
Член у	Каардынацыйная рада III-га склікання (5 жніўня 2024)

Біяграфія

Нарадзілася 15 ліпеня 1970 года ў г. Алматы (Казахская ССР). Вучылася ў школе № 69, пасля — у гімназіі № 10^[2].

У 1992 годзе скончыла Казахскі дзяржаўны ўніверсітэт імя Аль-Фарабі, у 1995 годзе — аспірантуру КазДУ^[1].

У 1997—1998 гадах — намеснік дэкана факультэта міжнародных адносін Універсітэта «Кайнар» (Казахстан). З 2000 года — дацэнтка кафедры міжнародных адносін Белдзяржуніверсітэта^[1].

Звольнена з ўніверсітэта ў 2021 годзе ў час шырокамаштабных палітычных чыстак. Тады, паводле яе, у канцы года прыйшлі спісы ў дэканаты факультэтаў усяго ўніверсітэта, у якіх іх былі пазначаныя асобы, якіх трэба звольніць, панізіць на пасадзе або каго трэба выклікаць на прафілактычную гутарку^[3].

Працавала запрошаным прафесарам у ЕГУ (Літва)^[4]. Даследчыца Цэнтра даследаванняў Усходняй Еўропы Гісенскага ўніверсітэта імя Юстуса Лібіха (Германія), стыпендыят Нямецкай службы акадэмічных абменаў (DAAD). Запрошаны прафесар Еўразійскага нацыянальнага ўніверсітэта імя Гумілёва ў Астане (Казахстан)^[5].

Выступае як пастаянная экспертка ў штотыднёвай праграме Еўрарадыё, каментуе міжнародныя падзеі^[6].

Сяброўка міжнароднай камісіі Каардынацыйнай рады 2-га склікання^[7].

Навуковая дзейнасць

Аўтар больш за 30 навуковых публікацый і 85 публіцыстычных матэрыялаў. Сфера навуковых інтарэсаў: міжнародныя адносіны, праблемы рэгіянальнай бяспекі ў Азіі, знешняя палітыка дзяржаў Сярэдняга Усходу і Цэнтральнай Азіі^[1].

Сям’я

У шлюбе з беларускім этнографам Паўлам Церашковічам^[7].

Зноскі

1. Роза Турарбекова. Новый образ страны. Особенности внешней политики Турции в отношении постсоветских стран // Беларуская думка, № 4 — 2012
2. Роза Турарбекова  (бел.). OK.RU. Праверана 23 мая 2024.
3. Свабода, Радыё. Перад выбарамі ў БДУ ідзе новая хваля рэпрэсій супраць выкладчыкаў, — палітоляг Турарбекава  (бел.). Радыё Свабода (17 студзеня 2024). Праверана 23 мая 2024.
4. Роза Турарбекова из Минск – профиль автора, статьи и публикации | IPG Journal (нявызн.). www.ipg-journal.io. Праверана 23 мая 2024.
5. Роза Турарбекова (руск.). Наше Мнение. Праверана 23 мая 2024.
6. Роза Турарбекава | Навіны Беларусі | euroradio.fm  (бел.). euroradio.fm. Праверана 14 жніўня 2024.
7. Ператрус адбыўся ў сяброўкі Каардынацыйнай рады Розы Турарбекавай  (бел.). Наша Ніва (3 снежня 2023). Праверана 23 мая 2024.