Роўбіцкі сельсавет

Ро́ўбіцкі сельсавет — былая адміністрацыйна-тэрытарыяльная адзінка ў складзе Пружанскага раёна Брэсцкай вобласці Беларусі. Адміністрацыйны цэнтр — вёска Роўбіцк.

Роўбіцкі сельсавет
Краіна	Беларусь
Уваходзіць у	Пружанскі раён
Уключае	7 населеных пунктаў
Адміністрацыйны цэнтр	Роўбіцк
Дата ўтварэння	12 кастрычніка 1940
Дата скасавання	7 верасня 2006
Насельніцтва	1 121 чал. (1999)
Код аўтам. нумароў	1

Утвораны 12 кастрычніка 1940 года ў складзе Шарашоўскага раёна Брэсцкай вобласці БССР. Цэнтр — вёска Роўбіцкая. З 17 снежня 1956 года ў складзе Пружанскага раёна. 11 чэрвеня 1962 года да сельсавета далучана частка тэрыторыі скасаванага Папялёўскага сельсавета (населеныя пункты Нікар і Хвойнік)^[1]. На 1 студзеня 1974 года ў складзе сельсавета 7 населеных пунктаў^[2].

7 верасня 2006 года скасаваны, тэрыторыя далучана да Сухопальскага сельсавета^[3].

На момант скасавання ў склад сельсавета ўваходзілі 7 вёсак: Бабінец, Глушэц, Ляўкі, Прыкалесь, Роўбіцк, Хвойнік, Чадзель.