Рэспубліканскі навукова-практычны цэнтр эпідэміялогіі і мікрабіялогіі

Дзяржаўная ўстанова «Рэспубліканскі навукова-практычны цэнтр эпідэміялогіі і мікрабіялогіі» Міністэрства аховы здароўя Рэспублікі Беларусь — галоўны навукова-даследчы і лячэбна-дыягнастычны цэнтр, для вырашэння задач ў галіне эпідэміялогіі і мікрабіялогіі. Згодна Дадатку да Пастановы № 861 ад 23 снежня 1993, прапанавалася ўключыць навукова-практычны цэнтр у склад Акадэміі медыцынскіх навук Беларусі.

Рэспубліканскі навукова-практычны цэнтр эпідэміялогіі і мікрабіялогіі
Краіна	Беларусь[1]
Адрас	vulica Filimonava 23, Minsk 220114[2]
Тып арганізацыі	орган улады, навукова-даследчы цэнтр[d], арганізацыя аховы здароўя[d] і рэспубліканскі навукова-практычны цэнтр[d]
Заснаванне
Дата заснавання	1924[3]
Матчыная арганізацыя	International Science and Technology Center[d]
belriem.by/en/ (англ.) belriem.by (руск.) belriem.by

Апісанне

Арганізаваны ў 1924 годзе на базе Пастэраўскай станцыі (з 1911) у Мінску і Цэнтральнай хіміка-бактэрыялагічнай лабараторыі губернскага аддзела аховы здароўя (з 1920) як Бактэрыялагічны (Пастэраўскі) інстытут ці Беларускі Пастэраўскі інстытут Народнага камісарыята аховы здароўя БССР (загад Наркама аховы здароўя БССР ад 02.02.1924 № 522). Урачыстае адкрыццё інстытута адбылося 30 лістапада 1924 года.

З 1926 — Беларускі дзяржаўны санітарна-бактэрыялагічны інстытут Наркамата аховы здароўя БССР (рашэнне 1-га Усебеларускага з’езда санітарных урачоў).

З 1931 — Беларускі інстытут мікрабіялогіі і эпідэміялогіі Наркамата аховы здароўя БССР (загад Наркама аховы здароўя БССР ад 16.06.1931).

У 1944 годзе работа інстытута адноўлена (пастанова Савета Народных Камісараў БССР ад 24.07.1944 № 422).

З 1952 — Беларускі навукова-даследчы інстытут эпідэміялогіі, мікрабіялогіі і гігіены (пастанова Савета Міністраў СССР ад 22.03.1952 № 1427-48с і загад Міністра аховы здароўя СССР ад 05.04.1952 № 33).

З 1965 — Беларускі навукова-даследчы інстытут эпідэміялогіі і мікрабіялогіі Міністэрства аховы здароўя БССР.

З 2000 — Навукова-даследчы інстытут эпідэміялогіі і мікрабіялогіі (загад Міністэрства аховы здароўя Рэспублікі Беларусь ад 02.10.2000 № 235 і рашэнне Мінскага гарадскога выканаўчага камітэта ад 26.10.2000 № 1207).

З 2009 — Рэспубліканскі навукова-практычны цэнтр эпідэміялогіі і мікрабіялогіі (загад Міністэрства аховы здароўя Рэспублікі Беларусь ад 24.08.2009 № 817).

Кіраўнікі

• Барыс Якаўлевіч Эльберт (1923—1931)
• Ісаак Самойлавіч Рубінштэйн (1931—1941)
• Сямён Маркавіч Фрыд (1944—1946)
• Ісаак Самойлавіч Рубінштэйн (1946—1950)
• Дзмітрый Паўлавіч Бяляцкі (1950)
• Веньямін Іосіфавіч Вацякоў (1950—1986)
• Пётр Рыгоравіч Рыцік (1986—1995)
• Леанід Пятровіч Цітоў (1995—2009)
• Георгій Міхайлавіч Ігнацьеў (2010—2011)
• Уладзімір Анатолевіч Гарбуноў (з 2011)

Зноскі

1. GRID Release 2017-05-22 — 2017-05-22 — 2017. — doi:10.6084/M9.FIGSHARE.5032286

   <a href='https://wikidata.org/wiki/Track:Q30141628'></a>
2. http://www.belriem.by/en/contact-us
3. http://www.belriem.by/about/history