Саковічы герба «Помян»

У паняцця ёсць і іншыя значэнні, гл. Саковічы.

У Вікіпедыі ёсць артыкулы пра іншых людзей з прозвішчам Саковіч.

Саковічы, Саковічы-Насілоўскія — шляхецкі род герба «Помян».

Герб «Помян»

Родапачынальнікам лічыцца Сак (у хрышчэнні Станіслаў), які пры заключэнні Гарадзельскай уніі быў адаптаваны да герба «Помян»^[1], у 1433 годзе быў старастам дубінскім. Станіслаў Ск меў 6 сыноў -- Андрэя, Ваську (Васілю), Алехну, Івашку, Станьку, Пятра, Федзьку. З канца XV ст. Саковічы называюцца Насілоўскімі ад маёнтка Насілава (Ашмянскі павет).

Прадстаўнікі

• Андрэй — ваявода троцкі (1459—1465), намеснік полацкі (1444—1458), намеснік смаленскі (1440)
  • Багдан
  • Юрый
  • Міхаіл
  • Ганна
• Васька (Васіль) (? — каля 1473) — 25 ліпеня 1444 года разам з жонкай, дачкой і іншымі (не названымі) дзецьмі зрабіў ахвяраванне віленскім францысканцам^[2]. Жонка — Мілохна^[3].
  • Сцечка — памёр пры жыцці бацькі
  • Кацярына — памерла пры жыцці бацькі
• Алехна — староста бельскі (1477—1481)
• Івашка (Ян) — староста вількейскі (1451), маршалак гаспадарскі (1472)
  • Альберт
• Станька (Станіслаў) — меў бенефецыйныя ўладанні ў Боліне і Уле (каля Чашнікаў), якія атрымаў ад Жыгімонта Кейстутавіча і Казіміра Ягелончыка^[4]. Жонка — Васка.
• Пётр — староста ковенскі (1447), які хутчэй за ўсё згаданы як Vako у час паездкі да магістра Ордэна ў пачатку 1447 года^[5].
• Федзька — згадваецца толькі адзін раз паміж 1441/1443 гадоў, калі атрымаў людзей ад вялікага князя Казіміра Ягелончыка^[6]. Магчыма, стараста бельскі ў 1439 годзе^[7].