Святы камень Сянежыцкі

Святы камень Сянежыцкі — геалагічны помнік рэспубліканскага значэння (з 1997). Знаходзіцца на могілках у вёсцы Сянежыцы, Навагрудскі раён, Гродзенская вобласць. Ружавата-шэры дробназярністы граніт прасападобнай формы. Даўжыня 1,65 м, шырыня 1,43 м, вышыня 0,5 м^[1]. Аб'ём 0,6 м³. Маса каля 1,7 тон. Прынесены ледавіком 220-150 тыс. гадоў таму са Скандынавіі. Валун у дахрысціянскія часы меў культавае значэнне.

Святы камень Сянежыцкі
Катэгорыя МСАП — III (Помнік прыроды)
Размяшчэнне	Беларусь, вёска Сянежыцы, Навагрудскі раён, Гродзенская вобласць
Найбліжэйшы горад	Навагрудак
Плошча	0,005 га[1] (0,1[2])
Дата заснавання	28 лістапада 1997[1]

Некаторыя легенды

На валуне двое "слядоў". Адзін лічаць выявай пальцаў, а другі — выявай пяткі. Пальцы нібыта пакінула Багародзіца, а пятку — чорт, які гнаўся за ёй. Дагнаць Божую Маці чорт не змог, таму што яна схавалася ў манастыр. Паводле іншага падання, "сляды" пакінулі шведы, каб паказаць, куды яны накіроўваюцца (Янчук, 1889).

Іншыя знакамітыя валуны

• Каралёваслабодскі камень з крыжам
• Клін-валун
• Сарочынскі валун

• Вялікі камень Пліскі
• Вялікі камень Літоўскі

Гл.таксама

• Музей валуноў

Зноскі

1. Решение Министерства природных ресурсов и охраны окружающей среды Республики Беларусь от 28 ноября 1997 г. № 12/3 Об объявлении памятниками природы отдельных геологических объектов (нявызн.)(недаступная спасылка). Архівавана з першакрыніцы 4 сакавіка 2016. Праверана 28 чэрвеня 2012.
2. Запаведнікі, нацыянальныя паркі і заказнікі рэспубліканскага значэння (нявызн.)(недаступная спасылка). Архівавана з першакрыніцы 30 лістапада 2016. Праверана 28 чэрвеня 2012.