Сербахарвацкая Вікіпедыя

Сербахарвацкая Вікіпедыя (сербахарв.: Srpskohrvatska Wikipedija, Харватасербская вікіпедыя, сербахарв.: hrvatskosrpska Wikipedija) — раздзел Вікіпедыі на сербахарвацкай мове, мове былой Югаславіі.

Сербахарвацкая Вікіпедыя сербахарв.: Wikipedia na srpskohrvatskom jeziku сербахарв.: Википедија на српскохрватском језику
URL	sh.wikipedia.org (сербахарв.)
Характар праекта	дабрачынны
Тып сайта	сеткавая энцыклапедыя
Рэгістрацыя	неабавязковая
Мова	сербахарвацкая мова
Уладальнік	Wikimedia
Пачатак працы	16 студзеня 2002[1]
Колькасць артыкулаў	461 136
Колькасць выяў	9 972
Колькасць старонак	4 626 728
Колькасць правак	42 483 127
Зарэгістраваных удзельнікаў	293 362
Актыўных удзельнікаў	410
Адміністратараў	8
Глыбіня	749,3
Медыяфайлы на Вікісховішчы

На чэрвень 2023 года змяшчае 458 271 артыкулаў^[2]. Па гэтым паказчыку раздзел знаходзіцца на 33 месцы сярод усіх раздзелаў Вікіпедыі.

Асаблівасці

У адрозненне ад Сербскай Вікіпедыі, гэты раздзел не ўтрымлівае сістэм пераўтварэння тэксту — тэкст бачны ў тым алфавіце, у якім быў уведзены. Аўтары самі выбіраюць, пісаць артыкул на кірыліцы ці на лацініцы, а ў апошнім выпадку прытрымвацца сербскай ці харвацкай арфаграфіі.

Падобнае «двухмоўе» прыкметна і на галоўнай старонцы, і ў афармленні нацыянальнага вэб-інтэрфейсу (надпісы на кірыліцы і лацінцы дублююць адзін аднаго), і нават у датах (назвы месяцаў адначасова прыведзены ў дзвюх версіях: славянскія (харвацкія) лацінкай, і лацінскія (сербскія) кірыліцай).

Актыўнасць у раздзеле непрапарцыйна малая колькасці ўдзельнікаў, і значная частка яе зводзіцца да ўзгадненняў розных варыянтаў арфаграфіі ў назвах артыкулаў (стварэнне перанакіраванняў і г. д.).

Гісторыя

Сербахарвацкая Вікіпедыя была заснавана амаль адначасова з сербскай, харвацкай і баснійскай. Мэтазгоднасць стварэння гэтага раздзела з самага пачатку ставілася пад сумнеў^[3], аднак на той момант раздзел было вырашана ўсёткі развіваць.

Тым не менш, раздзел моцна адстаў у сваім развіцці ад трох больш «спецыфічных», якія выкарыстоўваюць больш вузейшую норму мовы і, магчыма, арыентаваных нацыянальна. Сербахарвацкі раздзел быў зачынены на кароткі час напачатку 2005 года як неактыўны^[4].

• 7 кастрычніка 2005 года — 1000 артыкулаў.
• 22 ліпеня 2006 года — 5 тыс. артыкулаў.
• 10 красавіка 2007 года — 10 тыс. артыкулаў.
• 4 лістапада 2008 года — 20 тыс. артыкулаў.
• 8 лістапада 2011 года — 50 тыс. артыкулаў.
• 4 ліпеня 2012 года — 60 тыс. артыкулаў.

Зноскі

1. https://archive.ph/88VE1
2. Актуальная статыстыка: sh:Special:Statistics
3. sh:Glavna stranica&oldid=5
4. meta:Requests for new languages/Wikipedia Serbo-Croatian (англ.)