Станіслаў Горскі

У Вікіпедыі ёсць артыкулы пра іншых людзей з прозвішчам Горскі.

Станіслаў Батыс Горскі (6 мая 1802, в. Дварэц, Кобрынскі павет, Гродзенская губерня, цяпер Камянецкі раён, Брэсцкая вобласць — 3 мая 1864, Сібір) — беларускі прыродазнавец, медык , педагог, папулярызатар навукі.

Станіслаў Горскі
Дата нараджэння	6 мая 1802(1802-05-06)[1][2]
Месца нараджэння	Дварэц, Брэсцкі павет, Гродзенская губерня, Літоўскае генерал-губернатарства, Расійская імперыя[1]
Дата смерці	3 мая 1864(1864-05-03)[1][2] (61 год)
Месца смерці	Паліесюс, Міелагенайская сянюнія[d], Ігналінскі раён, Літва[1] або Варшава, Царства Польскае, Расійская імперыя[2]
Грамадзянства	Расійская імперыя Польшча
Род дзейнасці	батанік, фармацэўт, энтамолаг, выкладчык універсітэта
Месца працы	Віленскі ўніверсітэт Віленская медыка-хірургічная акадэмія
Альма-матар	Віленскі ўніверсітэт
Член у	Кракаўскае навуковае таварыства[d][2]

Біяграфія

У 1820—1825 гадах вучыўся ў Віленскім універсітэце. У 1830 годзе — загадчык батанічнага сада Віленскага ўніверсітэта. Пасля закрыцця ўніверсітэта ў 1831 годзе ад'юнкт, прафесар Віленскай медыка-хірургічнай акадэміі. У 1840 годзе, напярэдадні закрыцця акадэміі, выехаў у замежную камандзіроўку.

Пасля вяртання на Радзіму ў 1842—1847 жыў у Паставах, займаўся батанікай і энтамалогіяй. Потым жыў у Берліне, з 1851 — у маёнтку А. Кубліцкага ў Свянцянскім павеце.

У 1863 годзе па падазрэнні ў спачуванні нацыянальна-вызваленчаму руху высланы ў Сібір. У ссылцы скончыў жыццё самагубствам.

Навуковая дзейнасць

Быў адным з першых даследчыкаў Белавежскай пушчы. Аўтар прац па батаніцы і энтамалогіі. Публікаваў нататкі з падарожжаў па батанічных садах Еўропы. Арганізаваў шырокі абмен гербарыямі паміж вучонымі Еўропы. Многія адкрытыя ім віды раслін названы яго імем (напрыклад, Copaifera gorskiana).

Зноскі

1. Visuotinė lietuvių enciklopedija Online Праверана 22 красавіка 2021.

   <a href='https://wikidata.org/wiki/Track:Q76499581'></a>
2. http://tnk.krakow.pl/czlonkowie/gorski-stanislaw-batys/ Праверана 30 жніўня 2022.