Сяргей Валянцінавіч Бобрыкаў

Сяргей Валянцінавіч Бобрыкаў (нар. 15 красавіка 1962, Лепель, Віцебская вобласць) — беларускі ваенны і палітык, дэпутат Палаты прадстаўнікоў Нацыянальнага сходу Рэспублікі Беларусь VI склікання.

Сяргей Валянцінавіч Бобрыкаў
Дэпутат Палаты прадстаўнікоў Нацыянальнага сходу Рэспублікі Беларусь VI склікання 11 кастрычніка 2016 — 6 снежня 2019
Прэзідэнт	Аляксандр Лукашэнка
Кіраўнік урада	Андрэй Кабякоў
Нараджэнне	15 красавіка 1962(1962-04-15) (63 гады) Лепель, Лепельскі раён, Віцебская вобласць, Беларуская ССР, СССР
Адукацыя	Каломенскае вышэйшае артылерыйскае каманднае вучылішча[d] Міхайлаўская ваенная артылерыйская акадэмія[d] Ваенная акадэмія Генеральнага штаба Узброеных Сіл Расійскай Федэрацыі
Месца працы	ВАРБ
Ваенная служба
Званне	Генерал-маёр
Узнагароды	Ордэн «За службу Радзіме» II ступені Ордэн «За службу Радзіме» III ступені Медаль «За бездакорную службу» II ступені

У Вікіпедыі ёсць артыкулы пра іншых людзей з прозвішчам Бобрыкаў.

Біяграфія

Скончыў у 1983 годзе Каломенскае вышэйшае артылерыйскае каманднае вучылішча па спецыяльнасці «Камандная тактычная, артылерыйскае ўзбраенне»; у 1993 годзе Ваенную артылерыйскую акадэмію імя М. І. Калініна па спецыяльнасці «Камандна-штабная аператыўна-тактычная ракетных войскаў і артылерыі»; у 2005 годзе Ваенную акадэмію Генеральнага штаба Узброеных Сіл Расійскай Федэрацыі^[1] па спецыяльнасці «Вайсковае і дзяржаўнае кіраванне»; генерал-маёр^[2].

Праходзіў службу на асноўных камандных пасадах — камандзіра ўзвода, камандзіра батарэі, камандзіра дывізіёна, начальніка штаба брыгады, камандзіра брыгады, начальніка ракетных войск і артылерыі сухапутных войск, намесніка начальніка Галоўнага штаба сухапутных войск, начальніка 72-га гвардзейскага аб’яднанага вучэбнага цэнтра падрыхтоўкі прапаршчыкаў і малодшых спецыялістаў^[2].

Быў начальнікам Ваеннай акадэміі Рэспублікі Беларусь^[2]. 20 кастрычніка 2016 года вызвалены ад пасады ў сувязі з выбраннем яго дэпутатам^[3].

З 2016 года дэпутат Палаты прадстаўнікоў Нацыянальнага сходу Рэспублікі Беларусь VI склікання^[1][2].

У красавіку 2024 года быў выбраны дэлегатам на Усебеларускі народны сход 7-га склікання ад Беларускага грамадскага аб’яднання ветэранаў^[4].

Узнагароды

• Ордэн «За службу Радзіме» III ступені^[2],
• ордэн «За службу Радзіме» II ступені (2015)^[2],
• медаль «За бездакорную службу» II ступені^[2].

Асабістае жыццё

Жанаты, мае сына і дачку^[2].

Майстар спорту СССР па ваенным трохбор'і^[1].