Сяргей Міхайлавіч Масляк

У Вікіпедыі ёсць артыкулы пра іншых людзей з прозвішчам Масляк.

Сяргей Міхайлавіч Масляк (нар. 8 верасня 1980, Мінск, БССР) — беларускі палітык, міністр прыродных рэсурсаў і аховы навакольнага асяроддзя Беларусі (з 2024 года).

Сяргей Міхайлавіч Масляк
міністр прыродных рэсурсаў і аховы навакольнага асяроддзя Рэспублікі Беларусь[d] з 22 красавіка 2024
Папярэднік	Андрэй Паўлавіч Худык
Нараджэнне	8 верасня 1980(1980-09-08) (45 гадоў) Мінск, Беларуская ССР, СССР
Адукацыя	Беларускі дзяржаўны тэхналагічны ўніверсітэт (2002) Беларускі дзяржаўны ўніверсітэт фізічнай культуры (2006) Акадэмія кіравання пры Прэзідэнце Рэспублікі Беларусь (2016)

Біяграфія

Паводле ўласных слоў, у дзяцінстве быў цяжкім вучнем^{[крыніца?]}.

У 2002 скончыў Беларускі дзяржаўны тэхналагічны ўніверсітэт, у 2006 годзе — Беларускі дзяржаўны ўніверсітэт фізічнай культуры (Інстытут турызму) і ў 2016 годзе — Акадэмію кіравання пры Прэзідэнце Рэспублікі Беларусь^[1][2].

У перыяд з 2002 па 2003 год працаваў памочнікам ляснічага Валмянскага лясніцтва Смалявіцкага раёна дзяржаўнай лесагаспадарчай установы «Мінскі лясгас»^{[1] [2]} .

У 2003—2005 гады працаваў інжынерам першай катэгорыі аддзела пошукаў і праектавання лесагаспадарчых аб’ектаў праектна-пошукавага рэспубліканскага ўнітарнага прадпрыемства «БЕЛГІПРАЛЕС».

У 2005—2006 гады працаваў вядучым спецыялістам аддзела гарадской гаспадаркі адміністрацыі Заводскага раёна горада Мінска.

У 2006—2012 гады працаваў намеснікам дырэктара камунальнага ўнітарнага прадпрыемства «Зелянбуд Заводскага раёна горада Мінска».

У 2012—2013 гады займаў пасаду дырэктара камунальнага ўнітарнага прадпрыемства «Зелянбуд Першамайскага раёна горада Мінска».

У 2013—2015 гады працаваў намеснікам кіраўніка адміністрацыі Заводскага раёна горада Мінска.

У 2015—2019 гады быў старшынёй Мінскага гарадскога камітэта прыродных рэсурсаў і аховы навакольнага асяроддзя.

У 2019—2024 гады займаў пасаду кіраўніка адміністрацыі Заводскага раёна горада Мінска.

22 красавіка 2024 года прызначаны міністрам прыродных рэсурсаў і аховы навакольнага асяроддзя Рэспублікі Беларусь^[1][2].

У красавіку 2024 года быў выбраны дэлегатам на Усебеларускі народны сход 7-га склікання ад рэспубліканскага грамадскага аб’яднання «Белая Русь»^[3].