Танканог Дэлявіня

Танкано́г Дэлявіня^[1][2] (Koeleria delavignei) — від кветкавых раслін роду Танканог (Koeleria) сямейства Метлюжковыя (Poaceae).

Танканог Дэлявіня
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Аднадольныя Парадак:  Метлюжкакветныя Сямейства:  Метлюжковыя Падсямейства:  Pooideae Трыба:  Poeae Падтрыба:  Aveninae Род:  Танканог Від:  Танканог Дэлявіня
Міжнародная навуковая назва
Koeleria delavignei Czern. ex Domin, 1907
Сінонімы
Koeleria barabensis (Domin) Gontsch. Koeleria delavignei subsp. barabensis Domin Koeleria delavignei var. fallax Domin Koeleria delavignei subsp. veresczaginii Tzvelev ex N.V.Vlasova Koeleria incerta Domin
Сістэматыка на Віківідах Выявы на Вікісховішчы EOL   5832772 IPNI   406530-1 TPL   kew-421378

Апісанне

Шматгадовая травяністая расліна расце ў свабодных скупнасцях або пучках. Карэнішча выцягнутае. Сцёблы ўзыходзячыя, 80—100 см даўжынёй. Ліставыя похвы голыя. Ліставыя пласціны плоскія або згорнутыя, 20—30 см × 0,75 мм, сярэдне-зялёныя; паверхня гладкая. Суквецці — лінейная перапыненая свабодная мяцёлка да 6—9 см даўжынёй і 1—1,5 см ушыркі. Каласковыя лускі ўстойлівыя, падобныя, ніжняя — 0,7—0,8 даўжыні верхняй каласковай лускі, верхняя даўжынёй з урадлівую лему. Урадлівая лема прадаўгаватая; 3,5—4.5 мм даўжынёй; мембранная; бліскучая. Верхняя кветкавая луска даўжынёй з лему. Пылавікоў 3^[3].

Распаўсюджанне

Распаўсюджаны ад Усходняй Еўропы да Сібіры (Беларусь, Украіна, Расія, Казахстан)^[3][4].

Ахоўваецца на тэрыторыі шэрагу рэгіёнаў Расіі^[5].