Таццяна Беланогая

Тацця́на Дайне́ка^[1], да шлюбу — Тацця́на Белано́гая (нар. 24 чэрвеня 1984, Мінск) — беларуская паэтэса і бард з Маладзечна. Пераможца конкурсу «Бардаўская восень-2004».

Таццяна Дайнека (Беланогая)
Асноўная інфармацыя
Дата нараджэння	24 чэрвеня 1984(1984-06-24) (41 год)
Месца нараджэння	Мінск, Беларуская ССР, СССР
Краіна	Беларусь
Альма-матар	БДПУ
Музычная дзейнасць
Прафесіі	паэтэса
Гады актыўнасці	2004—сучаснасць
Жанры	бардаўская песня
Медыяфайлы на Вікісховішчы
Афіцыйны сайт

Біяграфія

Дзяцінства прайшло ў г. Маладзечна. Пасля заканчэння СШ № 6 Таццяна ў 2002 годзе паступіла на прыродазнаўчы факультэт Беларускага педуніверсітэту імя Максіма Танка. Атрымала другую вышэйшую адукацыю выкладчыка англійскай мовы. Падчас вучобы ўдзельнічала ў бардаўскіх конкурсах. У 2004 годзе стала пераможцам конкурсу «Бардаўская восень» у Бельску-Падляскім, у 2007 — пераможцам конкурсу «ОРРА-2006» у Варшаве. Альбом Таццяны быў намінаваны ў катэгорыі «Спеўная паэзія» конкурсу «Рок-Каранацыя-2006».

У 2016 годзе Таццяна Беланогая выдае альбом «Матылёк», песні да якога напісаны на вершы Яўгеніі Янішчыц.^[2]

Дыскаграфія

• Там, дзе мы (дэма) (2004)
• Пабачыць свет (2006)
• Дзвюхкроп’е (2008)
• Ніткі (2010)
• Святло і цені (2013)
• Матылёк (2016)

Складанкі

• Чарнобыльскі вецер (2006) — «Чорны май»
• Барды Свабоды (2010)

Удзел у конкурсах і фестывалях

1. Фестываль «Зоркі Маладзечна», г. Маладзечна (Беларусь), 02.05.2003, лаўрэат у намінацыі вакальнага жанру старэйшай узроставай катэгорыі.
2. Фестываль «Бардаўская восень — 2004» Архівавана 24 лістапада 2015., Бельск-Падляшскі (Польша), 23.10.2004, лаўрэат фестывалю.
3. Міжнародны фестываль «ОППА — 2006», Варшава (Польшча), лаўрэат фестывалю.^[3]
4. Удзельнічала ў фестывалі «Аршанская бітва», 2006 (Беларусь).
5. «Талькаўскі фэст», 2008 (Беларусь, вёска Талька, Мінскай вобласці).
6. Удзел ў фестывалі беларускай культуры ва Вроцлаве (4-10.06.2007).
7. Удзел у тыдні беларускай культуры і мастацтва ў Варшаве (11-15.06.2008).
8. Удзел у тыдні беларускай культуры і мастацтва ў Кракаве (2008).
9. Разам з бардам з Польшчы Петрам Бакалем брала ўдзел у праекце  «Познань бардаў» у Познані (2008).
10. Выступ ў межах фестывалю «Месяц аўтарскіх чытанняў» у Брно (Чэхія, 03.07.2009).
11. У 2008 годзе брала ўдзел у «Sopot Bards Meeting — 2008», які адбываўся ў Сопаце на знакамітай сцэне Лясной Оперы (Operze Leśnej) (Польшча).