Тэхаскі ўніверсітэт у Даласе

Тэхаскі ўніверсітэт у Даласе (англ.: University of Texas at Dallas) — амерыканская дзяржаўная вышэйшая навучальная ўстанова са статусам даследчага ўніверсітэта, якая месціцца ў горадзе Рычардсан у штаце Тэхас.

Тэхаскі ўніверсітэт у Даласе
англ.: University of Texas at Dallas
Арыгінальная назва	англ.: University of Texas at Dallas
Заснаваны	1961
Студэнты	28 669[1]
Краіна	ЗША
Размяшчэнне	Рычардсан, Тэхас, ЗША
Сайт	utdallas.edu
Медыяфайлы на Вікісховішчы

Агульная характарыстыка

Гэта адзін з найбуйнейшых дзяржаўных універсітэтаў у ваколіцах Даласа і самая паўночная ўстанова сістэмы Тэхаскага ўніверсітэта. Першапачаткова ён быў заснаваны ў 1961 годзе як прыватная даследчая ўстанова. Менш чым праз 47 гадоў пасля яго заснавання Фонд Карнегі класіфікаваў універсітэт як доктарскі даследчы ўніверсітэт з найвышэйшай даследчай актыўнасцю — хутчэй, чым любая іншая вучэльня ў Тэхасе. Універсітэт звязаны з чатырма Нобелеўскімі прэміямі і мае сярод супрацоўнікаў членаў Нацыянальнай акадэміі навук ЗША і Нацыянальнай інжынернай акадэміі ЗША.

Структура

• Школа мастацтваў, гуманітарных навук і тэхналогій
• Школа навук аб паводзінах і мозгу
• Школа эканамічных, палітычных навук і палітыкі
• Школа інжынерыі і камп'ютарных навук
• Школа міждысцыплінарных студый
• Школа менеджменту
• Школа прыродазнаўчых навук і матэматыкі

Гл. таксама

• Спіс універсітэтаў штата Тэхас