Уладзімір Аляксандравіч Вашчанка

У Вікіпедыі ёсць артыкулы пра іншых людзей з прозвішчам Вашчанка.

Уладзімір Аляксандравіч Вашчанка (3 жніўня 1958, п. Троіцка-Пячорск, Комі АССР) — беларускі дзяржаўны дзеяч. Міністр па надзвычайных сітуацыях Рэспублікі Беларусь (2010—2021), генерал-лейтэнант унутранай службы^[1].

Уладзімір Вашчанка
Міністр па надзвычайных сітуацыях Рэспублікі Беларусь 29 снежня 2010 — 27 студзеня 2021
Прэзідэнт	Аляксандр Лукашэнка
Кіраўнік урада	Міхаіл Мясніковіч Андрэй Кабякоў Сяргей Румас
Папярэднік	Энвер Барыеў
Пераемнік	Вадзім Сіняўскі
Нараджэнне	3 жніўня 1958(1958-08-03) (66 гадоў) Троіцка-Пячорск, гарадское паселішча Троіцка-Пячорск[d], Троіцка-Пячорскі раён[d], Рэспубліка Комі, РСФСР, СССР
Адукацыя	Магілёўскі машынабудаўнічы інстытут (1983) Універсітэт грамадзянскай абароны МНС Рэспублікі Беларусь (2002)
Ваенная служба
Званне	Генерал-лейтэнант
Узнагароды	Медаль «За бездакорную службу» II ступені Медаль «За бездакорную службу» I ступені Юбілейны медаль «60 год вызвалення Рэспублікі Беларусь ад нямецка-фашысцкіх захопнікаў» Медаль «60 гадоў Перамогі ў Вялікай Айчыннай вайне 1941—1945 гг.» Медаль «65 гадоў вызвалення Рэспублікі Беларусь ад нямецка-фашысцкіх захопнікаў» Юбілейны медаль «80 год беларускай міліцыі» Юбілейны медаль «80 год Узброеных Сіл Рэспублікі Беларусь» Юбілейны медаль «150 год пажарнай службе Беларусі» Юбілейны медаль «90 год міліцыі Беларусі» Юбілейны медаль «90 год органам дзяржаўнай бяспекі Беларусі» Юбілейны медаль «90 гадоў Узброенным Сілам Рэспублікі Беларусь» Медаль «За бездакорную службу» (СССР) Медаль «70 гадоў Узброеных Сіл СССР»

Біяграфія

У 1983 годзе скончыў Магілёўскі машынабудаўнічы інстытут. У 2002 — камандна-інжынерны інстытут МНС Рэспублікі Беларусь.

У 1976 годзе працаваў зборшчыкам Магілёўскага тарарамонтнага прадпрыемства трэста «Белтара». У 1976—1978 гадах служыў у шэрагах Узброеных Сіл. У 1980—1981 — малодшы інспектар дзяржаўнага пажарнага нагляду самастойнай ваенізаванай пажарнай часткі нумар 2 па ахове Ленінскага раёна г. Магілёва, у 1981—1983 — начальнік варты (там жа), у 1983—1986 гадах — намеснік начальніка (там жа), у 1986—1994 гадах — начальнік.

У 1994—1996 — намеснік начальніка УВПС УУС Магілёўскага аблвыканкама па службе, падрыхтоўцы і пажаратушэнні. У 1996—1997 гадах займаў пасаду намесніка начальніка Магілёўскага абласнога УВПС ГУВПС МУС Рэспублікі Беларусь. У 1997—1999 гадах быў начальнікам ваенізаванай пажарнай часткі нумар 2 Ленінскага раёна г. Магілёва. У 1999—2000 гадах — залічаны ў кадры МНС Рэспублікі Беларусь з праходжаннем службы на раней займаемай пасадзе. З красавіка па кастрычнік 2000 года — начальнік пажарнай аварыйна-выратавальнай часткі нумар 2 Ленінскага раёна г. Магілёва Магілёўскага абласнога ўпраўлення МНС Рэспублікі Беларусь. З кастрычніка 2000 года — начальнік Магілёўскага абласнога ўпраўлення Міністэрства па надзвычайных сітуацыях Рэспублікі Беларусь.

29 снежня 2010 года прызначаны міністрам па надзвычайных сітуацыях Рэспублікі Беларусь.

16 кастрычніка 2015 года пастановай Савета Міністраў № 870 у складзе Урада склаў свае паўнамоцтвы перад нававыбраным Прэзідэнтам Рэспублікі Беларусь^[2], а 17 снежня 2015 года ўказам Прэзідэнта № 500 зноў зацверджаны на пасадзе міністра^[3]

25 студзеня 2021 года вызвалены ад пасады міністра па надзвычайных сітуацыях і звольнены са службы ў запас паводле ўзроста з правам нашэння ўстаноўленай формы адзення і знакаў адрознення^[4].

Выбіраўся дэпутатам Магілёўскага абласнога Савета дэпутатаў.

Узнагароды

• Медаль «За бездакорную службу» II (2000) і I ступеняў.
• Медаль «За бездакорную службу» III ступені (СССР).
• Ганаровыя граматы Савета Міністраў Рэспублікі Беларусь (2015^[5], 2018^[6], 2021^[7]).
• Юбілейныя медалі Рэспублікі Беларусь і СССР.

Зноскі

1. Чарговыя воінскія і спецыяльныя званні прысвоены кіраўнікам сілавых ведамстваў (бел.)  (нявызн.) ? (7 мая 2015).
2. Пастанова Савета Міністраў Рэспублікі Беларусь № 870 «Аб складанні паўнамоцтваў Урада Рэспублікі Беларусь» (руск.)(недаступная спасылка) (16 кастрычніка 2015). Архівавана з першакрыніцы 4 сакавіка 2016. Праверана 17 кастрычніка 2015.
3. Назначаны члены ўрада Рэспублікі Беларусь (нявызн.). http://president.gov.by+(17 снежня 2015).
4. Указ Президента Республики Беларусь 25 января 2021 г. № 26 «О В. А. Ващенко» (нявызн.).
5. Пастанова Савета Міністраў Рэспублікі Беларусь ад 18 чэрвеня 2015 года № 514 «Аб узнагароджанні Ганаровай граматай Савета Міністраў Рэспублікі Беларусь»(недаступная спасылка)
6. Пастанова Савета Міністраў Рэспублікі Беларусь ад 25 ліпеня 2018 года № 565 «Аб узнагароджанні Ганаровай граматай Савета Міністраў Рэспублікі Беларусь»
7. Пастанова Савета Міністраў Рэспублікі Беларусь 20 студзеня 2021 г. № 29 «Аб узнагароджанні У. А. Вашчанкі Ганаровай граматай Савета Міністраў Рэспублікі Беларусь» (нявызн.).