Ферзь з Лукомля

Ферзь з Лукомля — шахматная фігурка ферзя XII ст., знойдзеная ў г. Лукомль. Захоўваецца ў калекцыі Нацыянальнага гістарычнага музея Беларусі.

Ферзь з Лукомля. XII ст.

Нацыянальны гістарычны музей Рэспублікі Беларусь, Мінск

Апісанне

Фігурка адлюстроўвае чалавека, які сядзіць на невялікай авальнай падстаўцы, склаўшы па-ўсходняму ногі і скрыжаваўшы на грудзях рукі. З-пад галаўнога ўбору, магчыма, чашападобнага шлема, які бытаваў у Еўропе ў X-XIII стагоддзях^[1], звісаюць валасы. Рысы твару некалькі грубаватыя: падбароддзе выступае наперад, нос прыплясканы. Ва ўсёй паставе — спакой і ўладарнасць^[2].

Зноскі

1. Станіслаў Цярохін. ШАХМАТЫ ДАЛЁКІХ ПРОДКАЎ
2. Заслаўскі гісторыка-археалагічны запаведнік.– Мн., 1983. – [132] с. 30-31.