Фёдар Васілевіч Аляшкевіч

Фёдар Васілевіч Аляшкевіч (5 мая 1936, в. Балотца, Навагрудскі павет — 29 снежня 2008) — беларускі нейрахірург. Акадэмік Нацыянальнай акадэміі навук Беларусі (1996; чл.-кар. з 1994), доктар медыцынскіх навук (1973), прафесар (1980). 

Фёдар Васілевіч Аляшкевіч
альтэрн.: Фёдар Васільевіч Аляшкевіч[1]
Дата нараджэння	5 мая 1936(1936-05-05)
Месца нараджэння	Балотца, Навагрудскі павет, Навагрудскае ваяводства, Польская Рэспубліка[2]
Дата смерці	29 снежня 2008(2008-12-29) (72 гады)
Грамадзянства	Беларусь[1]
Род дзейнасці	нейрахірург, урач, выкладчык універсітэта, вынаходнік
Навуковая сфера	чэрапна-мазгавая траўма, пухліна галаўнога мозгу[d] і эпілепсія
Месца працы	БДМУ[3] Міністэрства аховы здароўя БССР[1] Міністэрства аховы здароўя Рэспублікі Беларусь[1]
Навуковая ступень	доктар медыцынскіх навук[2] (1973)
Навуковае званне	акадэмік НАН Беларусі (1996)[2] прафесар (1980)[2]
Альма-матар	Мінскі медыцынскі інстытут (1959)[3]
Вядомыя вучні	Аляксандр Сяргеевіч Фядулаў[d]
Узнагароды	Ганаровая грамата Міністэрства аховы здароўя Рэспублікі Беларусь[d]

У Вікіпедыі ёсць артыкулы пра іншых людзей з прозвішчам Аляшкевіч.

Біяграфія

Нарадзіўся 5 мая 1936 года ў в. Балотца Навагрудскага павета (цяпер — Навагрудскі раён, Гродзенская вобласць).

Скончыў Шчорсаўскую сярэднюю школу^[4]. У 1959 годзе скончыў Мінскі медыцынскі інстытут. У 1959—1961 гг. — загадчык хірургічнага аддзялення Суботніцкай участковай бальніцы, намеснік галоўнага лекара Іўеўскага раёна. З 1974 г. — дацэнт, прафесар, загадчык курсам нейрахірургіі Мінскага медінстытута, з 1989 г. — загадчык кафедры, з 2007 г. — прафесар Беларускага дзяржаўнага медыцынскага ўніверсітэта. У 1980—2000 гг. — галоўны нейрахірург Міністэрства аховы здароўя Рэспублікі Беларусь. У 2000—2004 гг. — член Савета Рэспублікі Нацыянальнага сходу Рэспублікі Беларусь другога склікання.

Навуковыя даследаванні прысвечаны сасудзістым парушэнням галаўнога мозгу, чэрапна-мазгавым траўмам, пухлінам галаўнога мозгу, эпілепсіі, болевым сіндромам. Распрацаваў і ўжыў новы метад лячэння артэрыяльнай спазмы мазгавых сасудаў — мясцовае ўздзеянне навакаінаміду на сасуды мозгу. Упершыню вывучыў ролю і значэнне перакіснага акіслення ліпідаў пры чэрапна-мазгавой траўме.

Памёр 29 снежня 2008 года.

Асноўныя працы

• Травма нервной системы. Мн., 1988.

Зноскі

1. Звязда — Выдавецкі дом «Звязда», 2014. — вып. 82 (27692). — С. 8. — 14804 экз. — ISSN 1990-763X; 1990-7648 Праверана 10 снежня 2023.

   <a href='https://wikidata.org/wiki/Track:Q13029391'></a><a href='https://wikidata.org/wiki/Track:Q2666654'></a>
2. http://unicat.nlb.by/opac/pls/dict.prn_ref?tu=r&tq=v0&name_view=va_aall&a001=BY-SEK-162656&strq=l_siz=20
3. https://nasb.gov.by/bel/members/pamyati-uchenogo/oleshkevich.php — 2023. Праверана 10 снежня 2023.
4. «Помочь может только профессор Олешкевич!»