Чарнянскі сельсавет

У паняцця ёсць і іншыя значэнні, гл. Чарнянскі сельсавет (значэнні).

Чарня́нскі сельсавет — адміністрацыйна-тэрытарыяльная адзінка ў складзе Маларыцкага раёна Брэсцкай вобласці Беларусі. Адміністрацыйны цэнтр — аграгарадок (да 2010 г. вёска) Чарняны.

Чарнянскі сельсавет
Краіна	Беларусь
Уваходзіць у	Маларыцкі раён
Уключае	15 населеных пунктаў
Адміністрацыйны цэнтр	Чарняны
Дата ўтварэння	12 кастрычніка 1940
Насельніцтва (2019)	1 226
Часавы пояс	UTC+03:00
Тэлефонны код	+375 1651
Код аўтам. нумароў	1
Афіцыйны сайт

Утвораны 12 кастрычніка 1940 года ў складзе Дзівінскага раёна Брэсцкай вобласці БССР. 16 ліпеня 1954 года ў склад сельсавета з Азяцкага сельсавета Жабінкаўскага раёна перададзены вёскі Горы, Звозы, Лясавец, Субаты і Шарашоўцы^[1]. З 8 жніўня 1959 года ў складзе Маларыцкага раёна. З 25 снежня 1962 года ў Кобрынскім раёне. У 1964 годзе ў склад сельсавета з Навасёлкаўскага сельсавета перададзена вёска Заор’е^[2]. З 6 студзеня 1965 года сельсавет у складзе адноўленага Маларыцкага раёна. На 1 студзеня 1974 года ў складзе сельсавета 15 населеных пунктаў^[3].

Насельніцтва сельсавета паводле перапісу 2009 года — 1396 чалавек^[4], з іх 89,7 % — беларусы, 7,3 % — украінцы, 2,1 % — рускія^[5]; паводле перапісу 2019 года — 1226 чалавек^[6].