Юзафата Жукоўская

Юзафата Жукоўская (польск.: Józefata Żukowska; 1772, Лідскі павет — 23 студзеня 1845, Мінск) — польская актрыса.

Юзафата Жукоўская
Дата нараджэння	1772
Месца нараджэння	Лідскі павет, Віленскае ваяводства, Вялікае Княства Літоўскае
Дата смерці	23 студзеня 1845(1845-01-23)
Месца смерці	Мінск, Мінскі павет, Мінская губерня, Расійская імперыя
Грамадзянства	Вялікае Княства Літоўскае
Муж	Антоні Шыман Жукоўскі
Дзеці	Амелія Хелмікоўская[d]
Прафесія	тэатральная актрыса

У Вікіпедыі ёсць артыкулы пра іншых людзей з прозвішчам Жукоўская.

Біяграфія

Нарадзілася ў 1772 годзе ў Лідскім павеце^[1].

Выконвала рознахарактарныя ролі: пажылых кабет, бабуль, ключніц, цыганак, прыслужніц, жабрачак і інш. Працавала ў Беларусі: у трупах Д. Мараўскага (1795) і М. Кажынскага (1801—1804) у Гродне, у 1804, 1806 у тэатры Дэшнер у Мінску, у 1811—1832 гадах у трупе мужа А. Ш. Жукоўскага, у 1844 — Я. Хелмікоўскага. Пасля 1795 года і ў 1834—1838 працавала ў Вільні^[1].

Памерла 23 студзеня 1845 года^[1].

Сям'я

У шлюбе з акцёрам Антоніем Шыманам Жукоўскім мела дачку Амелію Хелмікоўскую^[2].

Зноскі

1. Жукоўская Юзафата // Культура Беларусі: энцыклапедыя / рэдкал.: Т. У. Бялова (гал. рэд.) [і інш.]. — Мн.: Беларус. Энцыкл. імя П. Броўкі, 2012. — Т. 3. — 688 с. — 3 000 экз. — ISBN 978-985-11-0662-8.
2. polskiego, Encyklopedia teatru. Józefina Żukowska (польск.)(недаступная спасылка). Encyklopedia teatru polskiego. Архівавана з першакрыніцы 30 снежня 2023. Праверана 30 снежня 2023.