Яснотка

Ясно́тка, Глухая крапіва^[1] (Lamium) — род кветкавых раслін сямейства Ясноткавыя (Lamiaceae).

Яснотка
Яснотка плямістая (Lamia maculatum)
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Ясноткакветныя Сямейства:  Ясноткавыя Падсямейства:  Ясноткавыя Род:  Яснотка
Міжнародная навуковая назва
Lamium L.
Сістэматыка на Віківідах Выявы на Вікісховішчы ITIS   32537 NCBI   53158 EOL   61777 GRIN   g:6490 IPNI   50203-3

Батанічнае апісанне

Яснотка белая (Lamium album). Батанічная ілюстрацыя Якаба Штурма з кнігі «Deutschlands Flora in Abbildungen», 1796

Аднагадовыя і шматгадовыя травяністыя расліны вышынёй 10—100 см з доўгімі паўзучымі карэнішчамі. Сцяблы граністыя. Лісце супраціўнае, суцэльнае. Кветкі жоўтыя, белыя, чырвоныя, ружовыя, сабраныя ў густыя пазушныя кальчакі. Плод — 4 арэшкі.

Распаўсюджанне і экалогія

Род налічвае каля 40 відаў^[2], пашыраныя пераважна ва ўмеранай зоне Паўночнага паўшар’я. Паводле сайта The Plant List род налічвае 25 відаў.

На тэрыторыі Беларусі — 5 відаў^[3]: яснотка белая або глухая крапіва (Lamium album) (лекавая і меданосная расліна), яснотка сцеблаабдымная (Lamium amplexicaule), яснотка плямістая (Lamia maculatum), яснотка пурпуровая або шанта чырвоная (Lamium purpureum), Lamium hybridum. Растуць на палях, у лясах. Трапляюцца каля жылля, дарог, на пустках, сметніках.

Гаспадарчае значэнне

Харчовыя, лекавыя, меданосныя, дэкаратыўныя расліны. Некаторыя з’яўляюцца пустазеллем.

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 71. — 160 с. — 2 350 экз.
2. bigenc.ru (нявызн.)(недаступная спасылка). Архівавана з першакрыніцы 17 ліпеня 2021. Праверана 17 ліпеня 2021.
3. Растения Беларуси(недаступная спасылка)