Арланда (Фларыда)

У паняцця ёсць і іншыя значэнні, гл. Арланда.

Арла́нда (англ.: Orlando) — пяты па велічыні горад штата Фларыда і самы буйны ўнутраны горад паўвострава Фларыда з насельніцтвам 2 975 658 чалавек (2010) ва ўсёй агламерацыі, што робіць яго 17-м па велічыні ў ЗША, шостым па велічыні мегаполісам у паўднёвай частцы Злучаных Штатаў і трэцім па велічыні мегаполісам у штаце Фларыда. Паводле ацэнкі Бюро перапісу насельніцтва ЗША, станам на 2013 год у горадзе пражывалі 255 483 чалавекі, што робіць горад 77-м у спісе гарадоў ЗША паводле колькасці насельніцтва і пятым у Фларыдзе. Арланда быў названы ў гонар Арланда Рыўса, паводле адной са здагадак, салдата арміі ЗША, які ўдзельнічаў ва другой вайне з семіноламі і загінуў у гэтай вобласці.

Горад Арланда англ.: City of Orlando Герб Сцяг[d] Краіна  ЗША Штат Фларыда Акруга Орандж Каардынаты 28°24′57″ пн. ш. 81°17′56″ з. д.HGЯO Мэр Бадзі Даер Заснаваны 1885 Першая згадка 1875 Плошча 286,7 км² Вышыня цэнтра 34 м Тып клімату вільготны субтрапічны Афіцыйная мова англійская Насельніцтва ▲307 573 чал. (1 красавіка 2020)[1] Шчыльнасць 898,6 чал./км² Агламерацыя 2 975 658 чалавек (2010) чалавек Часавы пояс UTC-5, летам UTC-4 Тэлефонны код +1 321 +1 407 Паштовыя індэксы 32801 — 32899 FIPS 12-53000 Афіцыйны сайт cityoforlando.net (англ.) GNIS 0288240 Арланда на карце ЗША ±

Медыяфайлы на Вікісховішчы

Арланда вядомы як сусветная сталіца тэматычных паркаў; у 2014 годзе яго славутасці, паркі, канферэнцыі і канвенцыі наведала звыш 62 мільёны наведвальнікаў^[2]. Міжнародны аэрапорт Арланда (MCO) з’яўляецца трынаццатым па загружанасці аэрапорт у Злучаных Штатах і 29 сярод самых ажыўленых у свеце^[3].

Найбольш вядомыя і самыя наведвальныя^[4] у ЗША і за іх межамі славутасці Арланда ўтвараюць аснову індустрыі турызму: Дыснейуорлд, размешчаны прыкладна за 26 км на паўднёвы захад ад Арланда ў Лэйк Буена Віста, які размясціўся на тэрыторыі ў 24 тысячы гектараў (год адкрыцця — 1971); Юнівёрсал Рэзарт, які адкрыўся ў 1999 годзе як пашырэнне Юнівёрсал Студыяс Фларыда; SeaWorld; Gatorland; і Wet 'N Wild. За выключэннем Walt Disney World, большасць асноўных славутасцей размешчаны ўздоўж вуліцы Інтэрнэшнл Драйв  (англ.). Горад таксама з’яўляецца адным з самых ажыўленых амерыканскіх гарадоў для правядзення канферэнцый і канвенцый.

Горад доўгі час з’яўляўся невялікім паселішчам у трапічнай забалочанай сельве, якая кішэла маскітамі і алігатарамі. Аднак, як і іншыя буйныя гарады «сонечнага пояса», Арланда хутка рос на працягу 1980-х гадоў і ў першым дзесяцігоддзі XXI стагоддзя. У Арланда размешчаны Універсітэт Цэнтральнай Фларыды  (англ.), які з’яўляецца другім па колькасці студэнтаў у Злучаных Штатах. Арланда займае чацвёртае месца ў спісе найбольш прывабных для пражывання амерыканскіх гарадоў^[5].

У расавым плане горад таксама зведаў моцныя змены. У 2000 годзе 50,8 % насельніцтва складалі белыя, 17,5 % — лацінаамерыканцы, 26,9 % — афраамерыканцы, 2,7 % — азіяты^[6].

Гарады-пабрацімы

• Вальядалід, Іспанія (2006)
• Гуйлінь, Кітай (1986)
• Курытыба, Бразілія (1996)
• Мантэрэй, Мексіка (2001)
• Арэнбург, Расія (1997)
• Рэйк’янесбайр, Ісландыя (1997)
• Сена і Марна,Францыя (2002)
• Тайнань, Тайвань (2001)
• Ураясу, Японія (1991)
• Валгаград, Расія (2008)

Гл. таксама

• Масавае забойства ў Арланда

Вядомыя асобы

• Анжэла Уорнер (нар. 1992) — амерыканскі баскетбаліст.

Зноскі

1. 2020 United States Census / пад рэд. Бюро перапісу насельніцтва ЗША Праверана 1 студзеня 2022.

   <a href='https://wikidata.org/wiki/Track:Q637413'></a><a href='https://wikidata.org/wiki/Track:Q23766566'></a>
2. Dineen, Caitlin. Orlando breaks visitation record in 2014 (нявызн.). Orlando Sentinel (9 красавіка 2015). Архівавана з першакрыніцы July 18, 2014. Праверана April 27, 2015.
3. Passenger Traffic for past 12 months ending May 2011. Airports.org. Retrieved August 21, 2011.
4. Murray, Valaer. "List: America's Most-Visited Cities". Forbes.
5. For Nearly Half of America, Grass Is Greener Somewhere Else; Denver Tops List of Favorite Cities | Pew Research Center’s Social & Demographic Trends Project (нявызн.)(недаступная спасылка). Pewresearch.org. Архівавана з першакрыніцы 16 кастрычніка 2012. Праверана August 2, 2014.
6. Orlando FL (Florida) ZIP codes, schools, jobs, demographics & more

Спасылкі

• На Вікісховішчы ёсць медыяфайлы па тэме Арланда (Фларыда)