Брусельскі вольны ўніверсітэт (1970)

Не блытаць з Брусельскі вольны ўніверсітэт (1834).

Брусельскі вольны ўніверсітэт (нідэрл.: Vrije Universiteit Brussel) — бельгійская дзяржаўная вышэйшая навучальная ўстанова са статусам універсітэта з сядзібай у горадзе Брусель. Навучанне вядзецца пераважна на нідэрландскай мове.

Брусельскі вольны ўніверсітэт
нідэрл.: Vrije Universiteit Brussel
Арыгінальная назва	нідэрл.: Vrije Universiteit Brussel
Дэвіз	лац.: Scientia vincere tenebras
Заснаваны	1970
Рэктар	Jan Danckaert[d]
Краіна	Бельгія
Размяшчэнне	Брусель
Узнагароды	прэмія ліберальнага гуманізму[d] (21 чэрвеня 2017)
Сайт	vub.be
Медыяфайлы на Вікісховішчы

У Бруселі сёння ёсць два ўніверсітэты, назвы якіх азначаюць у перакладзе «Брусельскі вольны ўніверсітэт»: франкамоўны (фр.: Université libre de Bruxelles) і нідэрландамоўны (нідэрл.: Vrije Universiteit Brussel). Ніводзін з іх не выкарыстоўвае англійскі пераклад сваёй назвы ў якасці міжнароднага найменавання для пазбягання блытаніны.

Агульная характарыстыка

Універсітэт утварыўся ў выніку расколу ў 1970 годзе адзінага да гэтага Брусельскага вольнага ўніверсітэта, які ў сваю чаргу быў заснаваны ў 1834 годзе фламандскім юрыстам П’ерам-Тэадорам Ферхагенам. Ён хацеў заснаваць незалежны ад дзяржавы і царквы універсітэт, дзе б панавала акадэмічная свабода. Адпаведна, універсітэт з’яўляецца плюралістычным — ён адкрыты для ўсіх студэнтаў на аснове роўнасці незалежна ад іх ідэалагічнага, палітычнага, культурнага або сацыяльнага паходжання — і кіруецца з дапамогай дэмакратычных структур, што азначае, што ўсе ягоныя члены — ад студэнтаў да прафесароў — удзельнічаюць у працэсах прыняцця рашэнняў.

ВНУ арганізавана ў 8 факультэтах, якія выконваюць тры цэнтральныя місіі ўніверсітэта: адукацыя, даследаванні і служэнне грамадству. Універсітэт дае адукацыю бакалаўрскага, магістарскага і доктарскага ўзроўняў каля 8 000 студэнтам і 1 000 аспірантам. Гэта таксама моцны даследчыцкі цэнтр, што ставіць яго на 189-ю пазіцыю сярод універсітэтаў па ўсім свеце. Яго навуковыя артыкулы ў сярэднім цытуюцца часцей, чым артыкулы любога іншага фламадскага ўніверсітэта.

Структура

• Факультэт права і крыміналістыкі
• Факультэт сацыяльных навук і бізнес-школа
• Факультэт псіхалогіі і педагагічных навук
• Факультэт (дакладных) і біяінжынерных навук
• Факультэт медыцыны і фармацыі
• Факультэт мастацтваў і філасофіі
• Факультэт інжынерыі
• Факультэт фізічнага выхавання і фізіятэрапіі

Зноскі

Спасылкі

• На Вікісховішчы ёсць медыяфайлы па тэме Брусельскі вольны ўніверсітэт (1970)
• Афіцыйная інтэрнэт-старонка ўстановы