Спаса-Праабражэнская царква (Моталь)

Спаса-Праабражэнская царква — праваслаўны храм у аграгарадку Моталі, пабудаваны ў 1877^[1] ці ў 1888 годзе^[2]. Аб’ект Дзяржаўнага спісу гістарычна-культурных каштоўнасцей Рэспублікі Беларусь як гісторыка-культурная каштоўнасць рэгіянальнага значэння.

Праваслаўны храм
Спаса–Праабражэнская царква
52°19′02,39″ пн. ш. 25°36′35,22″ у. д.HGЯO
Краіна	Беларусь
Аграгарадок	Моталь
Канфесія	Праваслаўе
Епархія	Пінская і Лунінецкая
Благачынне	Іванаўскае
Архітэктурны стыль	неарускі
Архітэктар	Мсціслаў Міхайлавіч Барташэўскі
Дата заснавання	1888
Будаўніцтва	1877—1888 гады
Статус	Гісторыка-культурная каштоўнасць Беларусі, шыфр 113Г000277шыфр 113Г000277
Медыяфайлы на Вікісховішчы

У паняцця ёсць і іншыя значэнні, гл. Спаса-Праабражэнская царква.

Гісторыя

Царква ў 1916 годзе.

Царква ў 2019 годзе.

Знаходзіцца ў цэнтры вёскі. Пабудавана ў 1888 г. з цэглы. Праект храма складзены ў 1867 г. архітэктарам М. Барташэўскім^[3]. Будаўніцтва вялося пад наглядам архітэктара К. Увядзенскага^[4]. Папярэдні храм з дваром святара, размешчаныя на старажытным гарадзішчы, адзначаюцца ў інвентары 1555 г.

Архітэктура

Помнік архітэктуры сінадальнага кірунку рэтраспектыўна-рускага стылю. Пабудавана паводле кананічнай 4-часткавай схеме: размешчаныя па падоўжнай восі званіца (2 васьмерыкі на чацверыку), трапезная, кубічны храм, 5-гранная апсіда. У сілуэце будынка дамінуюць цыбулепадобныя галоўкі званіцы і 5-купалле 4-схільнага даху асноўнага аб’ёму. Тры ўваходы вырашаны арачнымі парталамі з казыркамі. У архітэктурным дэкоры выкарыстаны ліштвы лучковых аконных праёмаў, лапаткі, карніз з сухарыкамі, філёнгі.

Інтэр’ер

Пры ўваходзе хоры на аркадзе. Апсіда вылучана драўляным 4-ярусным іканастасам канца 19 ст. Абразы 18 — 19 ст.: «Хрыстос Пантакратар», «Хрыстос у пустыне», «Адзігітрыя», «Святое сямейства», «Праабражэнне», «Ражджаство Прасвятой Багародзіцы», «Серафім Сароўскі», «Спас Пантакратар», «Святы Феадосій», «Маці Божая Замілаванне» (у чаканным абкладзе, 1808).

Зноскі

1. Спаса-Праабражэнская царква (Моталь) на сайце Глобус Беларусі (руск.)
2. Спаса-Праабражэнская царква (Моталь) на сайце Radzima.org
3. НГАБ у г. Гродна, ф. 8, воп. 1, спр. 1557, арк. 112; ф. 97, воп. 2, спр. 62.
4. Барановский Г. В. Юбилейный сборник сведений о деятельности бывших воспитанников Института гражданских инженеров (Строительного училища) 1842—1892. С. 54-55 (руск.)

Літаратура

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 113Г000277

• Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1984. — Брэсцкая вобласць. — 368 с., іл.
• Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4

Спасылкі

• Спаса-Праабражэнская царква (Моталь) на сайце Radzima.org
• Спаса-Праабражэнская царква (Моталь) на сайце Глобус Беларусі (руск.)
• Спаса-Праабражэнская царква (Моталь) на сайце «Архіварта»