5,56 × 45 mm NATO

Ar 5,56 mm NATO pe 5,56 × 45 mm a zo ur gartouchenn skoet en he c'hreiz savet evit ar fuzuilhoù-arsailh. An termen 5,56 NATO eo en armeoù anv ar munision sivil .223 Remington savet diwar an .222 Remington. Unan eus ar c'halibroù standart e armeoù AFNA eo.

5,56 × 45 mm NATO
5,56 × 45 mm NATO : boled, douilhez ha kartouchenn en he fezh.
Doare
Kalibr	.223 / 5,56 mm
Doare korf an douilhez	kreuzenn, boutailh
Doare skeiñ	e-kreiz
Bro orin	Belgia
Muzulioù
Ø bannadell	5,70 mm
Ø trogleuziñ	5,56 mm
Ø kolier	6,43 mm
Ø skoaz	9 mm
Ø korf an douilhez	9,58 mm
Ø strad	9,60 mm
Tevder ar strad	9,58 mm
Hirder an douilhez	44,70 mm
Hirder ar gartouchenn	57,40 mm
Perzhioù all
Pouez ar vannadell	2,59 da 4,86 g
Kargad poultr	0,90 g da 1,85 g
Tizh mont e-maez V0	851 da 993 m/s
Gwask ar gazoù d'ar muiañ	4.300 bar
Energiezh ar vannadell	1.670 da 1.890 J
Emors	SR
Lezenn
Rummad e Bro-C'hall	B

Istor

E deroù ar bloavezhioù 1950 e oa bet merzhet sioù ar gartouchenn 7,62 × 51 mm standart implijet e fuzuilhoù-arsailh arme Stadoù-Unanet Amerika betek neuze : ponner e oa, kalz a argil ganti, ha re c'halloudus evit bezañ implijet e endroioù kloz evel ar janglennoù pe ar c'hêrioù. Kregiñ a reas an arme da labourat war ur munision skañvoc'h dezhañ un hed-tenn pleustrek berroc'h (300 metr).

E kreiz ar bloavezhioù 1950 e voe dibabet ar gartouchenn .222 Special savet gant Eugene Stoner. Anvet e voe .223 Remington.

E 1980 e voe choazet gant AFNA evit kemer plas ar 7,62 mm evel munision standart en e fuzuilhoù-arsailh. Implijet e voe evit ar wech kentañ en FN FNC, ha goude-se en M16 stadunanat, er FAMAS gall, en HK G41 alaman, an L85A1 eus Breizh-Veur ha reoù all azalek ar bloavezhioù 1980 ha 1990.

Bannadelloù

Bannadelloù normalizet gant an AFNA hervez o implij a zo savet war ar c'hartouchennoù 5,56 × 45 mm : ar re implijetañ eo an M193, an M885, pe an Mk.262, an hini vodernañ anezhe. Meur a zoare bannadell all a c'hall bezañ savet war ar 5,56 mm NATO, en o zouez reoù roudenner, izel o hed-tenn pe evit toullañ hobregonoù skañv^[1]. E miz Gouere ez eus bet asantet gant gouarnamant Ukraina produiñ ur vannadell nevez ijinet eno evit ar 5,56 mm NATO, dezhi 5 tamm a zisrann goude an tenn. Pal ar munisionoù nevez-mañ eo tennañ war an dronoù rusian betek 50-60 metr, gant un efed tostoc'h ouzh ur gartouchenn evit ar fuzuilhoù flour o c'hanol, met hep rankout cheñch arm pa weler un dron^[2].

Gwelet ivez

• Ar munision 5,45 × 39 mm M74, doare soviedel ar 5,56 mm NATO
• Ar munision 5,6 mm Suis, variezon suis ar 5,56 mm NATO