Beuzeg

Budog (stumm kozh), pe Beuzeg, a zo anv daou sant brezhon.

Evit implijoù all, gwelet Beuzeg (disheñvelout).

---

Beuzeg

den

Reizh pe jener	paotr
Deiziad ganedigezh	5. century
Lec'h ganedigezh	Iwerzhon
Deiziad ar marv	6. century
Lec'h ar marv	Abbatiale Saint-Magloire de Léhon
Micher	beleg
Karg	abad
Stad ar c'hanonizasion	sant
Gouel	9 Kerzu
Tachenn ar sant pe doue	Plymouth

 

 Eus Wikidata

Vvet kantved

Beuzeg a oa ur manac'h deuet eus Kembre da Vreizh e dibenn ar V^vet kantved, da-heul Maodez. En em staliet e oant en enezeg Briad. Maodez a oa en Enez Maodez, ha Beuzeg en devoa savet ur manati nepell, en enez Lavred, ar manati kentañ e Breizh Izel, hervez Buhez ar Sent.

E-touez diskibion Beuzeg e oa ar sent Fragan ha Gwenole, a voe kenteliet gantañ, adalek e vugaleaj. Adalek e 7 vloaz betek e vloaz warn-ugent e ije bet chomet Gwenole gantañ.

Anavet eo dre ziv zanevell buhez (pe Vita) :

• hini sant Maodez
• ha hini Vita Maglorii, buhez sant Maglor''.

Hervez Kronikenn Dol, e dibenn an XI^vet kantved, e oa bet lakaet da eskob Dol e-lec'h Maglor, a oa bet anvet war-lerc'h Samzun. Met n'hall ket bezañ ha meskaj zo moarvat gant ur Beuzeg all.

Sant paeron

Sant paeron meur a barrez eo:

• Beuzeg-ar-C'hab,
• Beuzeg-Konk,
• Tregarvan,
• Plourin-Gwitalmeze
• Porspoder.

Gourdisten, a skrive kement-man diwar e benn : "Beuzeg a oa ur servijer heñvel ouzh un ael, pinvidik-meurbet a skiant, eeun-dispar, kemeret gant an holl evit un hent meur war-du ar feiz hag unan eus pileroù galloudusañ an Iliz".

Buhez ar Sent

Lidet eo Beuzeg d'an 9 viz Kerzu. hervez Buhez ar Sent eo daou sant Beuzeg a zo:

• hini ar Vvet kantved, diskibl Maodez
• hini ar VIvet kantved, eskob Dol war-lerc'h Magloar, adalek 570 betek 600.