Deiziadur muzulmat

An deiziadur muzulmat, pe deiziadur islamek, eo an doare da rannañ an amzer a vez implijet er broioù muzulmat. Ur gwir deiziadur loarel eo, rannet e 12 miz loar pe 12 loariad. En deiziadur-se n’eus ket 365,2425 devezh en ur bloavezh, met nebeutoc’h, dre ma ne bad al loariadoù nemet 28 devezh pe war-dro (1 bloavezh heolel = 1,0307 bloavezh loarel). Abretoc’h-abretañ e krog pep bloavezh eta, e-keñver an heol : war-dro 11 devezh abretoc’h bep bloaz. Ur miz, forzh pehini e vefe, en em gav en-dro d’an hevelep koulz-amzer bep 33 bloaz.

Tamm eus un heuliad pennadoù a-zivout ISLAM
Kredennoù ha kustumoù
Unded Doue • Disklêriadenn a feiz • Pedenn • Yun • Karitez • Pirc'hirinded
Pennoù bras
Mohammed • Abu Bakr • Ali • Tiegezh Mohammed • Kompagnuned Mohammed • Profeded Islam
Skridoù ha lezennoù
Koran • Sunnah • Hadith • Barnadurezh • Doueoniezh • Buhezioù Mohammed • Charia
Skourroù
Sunnit • Chiit • C'harijit • Soufiegezh
Kevredigezh
Studioù islamek • Istor • Prederouriezh • Skiant • Arz • Savouriezh • Kêrioù • Deiziadur • Gouelioù • Maouezed • Maouezed er C'horan • Pennoù relijiel • Politikerezh • Islamouriezh • Frankizouriezh • Salafiezh

Deroù an deiziadur muzulmat eo an Hijra, pa’z eas Mohammed hag e heulierien eus Mekka da Vedina er bloavezh 622 goude J.K.

Er bloavezh 638 e tivizas ar c’halif Omar (592-644) unvaniñ an deiziadurioù a oa en implij en amzer-hont e-touez ar pobloù muzulmat. Divizout a reas e vefe niverennet ar bloavezhioù adalek an Hijra, a oa c’hoarvezet d’ar 16 a viz Gouere 622 goude J.K. Deiz kentañ miz kentañ ar bloavezh kentañ eo an deiz-se (1 MuHarram 1 AH). An deiziadur muzulmat a reer anezhañ ivez deiziadur an Hijra, diwar anv tec’hadenn Muhammad eus Mekka. An deiziadoù, en deiziadur-se, a skriver alies gant ar berradur AH, a dalvez Anno Hegirae, da lavarout eo, e latin, "e bloavezh an Hijra".

Anvioù ar mizioù en deiziadur muzulmat

(en arabeg emañ an anvioù-se p'eo an arabeg yezh sakr an Islam)

1. Muharram ul Haram (krennet e Muharram) محرّم
2. Safar صفر
3. Rabi-ul-Awwal رابي
4. Rab-ul-Akhir (pe Raby` al-THaany) رابي الثااني
5. Jamadi-ul-Awwal جومادا
6. Jamadi-ul-Akhir (pe Jumaada al-THaany) جمادي الثاني
7. Rajab رجب
8. Sha'aban شا
9. Ramadhan رمضان
10. Shawwal شوّال
11. Dhul Qadah (pe Thw al-Qi`dah) دل كاداه
12. Dhul Hijja (pe Thw al-Hijjah) دل هيجا

Anvioù deizioù ar sizhun

Diwallit, en arabeg e krog ar sizhun d'ar Sul.

• yaum al-ahad يوم الأحد (deiz kentañ, Sul)
• yaum al-ithnayna يوم الإثنين (eil deiz, Lun)
• yaum ath-thalatha' يوم الثُّلَاثاء (trede deiz, Meurzh)
• yaum al-arba`a' يوم الأَرْبعاء (pevare deiz, Merc'her)
• yaum al-khamis يوم الخَمِيس (pempvet deiz, Yaou)
• yaum al-jum`a يوم الجُمْعَة (deiz ar bodad, Gwener)
• yaum as-sabt يوم السَّبْت (Sadorn)

Diforc’hioù bihan pe vihanoc’h a zo etre ar broioù muzulmat. Disheñvel eo an deiziadur implijet er broioù arabek hag er broioù muzulmat all (Indonezia, Iran…). Abalamour d’an diforc’hioù-se e c’hell bezañ disheñvel deiziadoù ar gouelioù dre ar bed muzulmat.

Lakaat an deiziadur gregorian (AD) hag an deiziadur muzulman (AH) keñver-ha-keñver

• AH = (AD – 622) x 1,0307
• AD = (AH + 641,0954) / 1,0307

Neuze :

• An 30 a viz Here 2006 eo ar 7 Shawwal 1427 AH.
• 1 MuHarram (deiz kentañ ar bloaz) 1429 AH a oa d’an 10 a viz Genver 2008.

Bloaz AD Bloaz AH Miz muzulman 2011 1432 5 2012 1433 5 2013 1434 5 2014 1435 6 2015 1436 6 2016 1437 7 2017 1438 7 2018 1439 7 2019 1440 8 2020 1441 8

Bloaz AD Bloaz AH Miz muzulman 2021 1442 8 2022 1443 9 2023 1444 9 2024 1445 10 2025 1446 10 2026 1447 10 2027 1448 11 2028 1449 11 2029 1450 11

Liammoù diavaez

• (fr) An deiziadur muzulmat
• (de) Penaos tremen eus an deiziadur muzulmat d'an deiziadur gregorian
• (ar) (fr), (en)Deiziadoù gouelioù