Plesei

kumun Bro-C'hall From Wikipedia, the free encyclopedia

Plesei
Remove ads

Plesei (Plessé e galleg) zo ur gumun a Vreizh e Liger-Atlantel, e gevred ar vro.

Muioc'h a ditouroù Anv gallaouek, Anv gallek (ofisiel) ...
Remove ads

Douaroniezh

  • Plesei zo unan ag ar c'humunioù brasañ a zo el Liger-Atlantel, kement ha Pariz eo, gant 10 400 hektar. Teir bourc'h zo enni : Plesei, Le Dresny, Le Coudray.
  • Ar stêr Izar a dreuz ar gumun.

Anv

Stummoù skrivet

  • Plebe que dicitur Sei, 854; Ploissiaco, 1062; Plesseit, XIIIt; Pleusse, Plusse, 1254; Plesse, 1287; Plesseyacum ?, 1371[2]

Gerdarzh

Un anv brezhonek a orin eo anv ar gumun. Savet eo diwar ple, deuet eus plouef, ha Sei, anv un den, marteze ur sant, Sei pe Seog. Meur a gêriadenn a zo er gumun gant an anv "Sei" : Tresei, Lann-Sei… En 854 en ur skrid latin eus kartular Redon ez eus anv eus Plebs que dicitur Sei, meneget evel parrez vrezhonek.

Remove ads

Istor

E fin an IXvet kantved ha deroù an Xvet kantved e oa bet Alan Iañ o chom e Plesei, e kastell Sei war ribl ar stêr Izar. Nend eo ket mui ar c'hastell anezhañ avat. E penn kentañ an XIXvet kantved e veze gwelet e roudoù war ar parkeier c'hoazh.

Alan Iañ a oa roue Breizh, trec'het ar Vikinged gantañ e Kistreberzh.

Lavaret e vez eo bet ar mare-se "oad aour" Plesei. Pezh a zo gwir a-walc'h. Evel-se Alan Iañ, e vibien Budig ha Derrien hag e goskor o deus degemeret Eudes, Roue Bro C'hall e kastell Sei.

Hervez istorourion zo, ez eus bet ur villa roman hag ur c'hreñvlec'h galian kent bout adsavet gant ar roue.

Pa voe savet an hent bras etre Gwenred ha Plesei e penn kentañ an XIXvet kantved ez eus bet dizoloet bezioù ag ar Grennamzer uhelañ.

Hervez ur vojenn ez eus ur c'haridenn etre pezh a oa ar c'hastell hag un tour e Gwenvenez-Penfaou...

War an dorgenn el lec'h ma oa ar c'hastell gwezharall emañ kêriadenn "Sant Kler" hiziv an deiz. Sant Kler a zo ur Sant a bouez er barrez. Ur chapel a oa er gêriadenn betek he distruj e-pad an Eil brezel bed. Pont Sant Kler a zo bet distrujet ganti ivez.

War-lerc'h eo bet ar gumun dindan beli familh Roc'han a Vlaen.

Er XIVvet kantved e voe savet un aluzendi Sant Armel er Rozay gant Arzhur II.

Kendirvi Lalokan

Meneget eo ar barrez e diellevr Redon, e 854: Kovellig ha Brithael, kendirvi Lalokan o doe galvet ar mac'htiern Houarnskoed (Hoiarnscoit) evit bout e penn kêriadenn "Treb-Hinoi" a oa da Lalokan kent e varv. E Sarant (Gwenvenez-Penfaou) eo bet ar varn gant menec'h Redon[3].

Dispac'h Gall

XXvet kantved

Brezel-bed kentañ

  • Mervel a reas 238 gwaz ag ar gumun abalamour d'ar brezel, da lavaret eo 4,38 % eus he foblañs e 1911[5].

Eil brezel-bed

  • Mervel a reas trizek den eus ar gumun abalamour d'ar brezel hervez monumant ar re varv[6].

Trevadennoù

XXIvet kantved

Remove ads

Brezhoneg

  • 24,2 % eus anvioù-lecʼh ar gumun a zo brezhonek[9].

Tud

Ardamezeg ar familhoù

Thumb Amproux,

Aotrounez Calesfré

 Geotet e deir daerenn en argant.
Thumb André,

Aotrounez Malarit

 En argant e gebrenn en sabel heuliet gant teir melchonenn ivez en sabel
Thumb de l'Espinay

Aotrounez Hauteville, Trémar, Buhel, Lalier, Malarit

 En argant e zri bod-spern geotet
Thumb de Volvire

Aotrounez Fresnay

 Goudreustellet a zek pezh etre aour ha gul
Remove ads

Monumantoù ha traoù heverk

  • Iliz katolik Sant Pêr Plesei (1875),
  • Chapel ar Plessis, (XVvet),
  • Chapel Karheil,
  • Maner ar "chêne vert" (XVII-XVIII), an aotrou Tregwel e oa e berc'henn,
  • Meur a fetan "hud", en Draeneg hag e Sant Kler (a bare poan an daoulagad),
  • Kastell Karheil, distrujet eo bet e pad an Eil brezel-bed gant ar bombezadegoù.

Ur bochad kestell zo er gumun :

  • Kastell Koed-Dan,
  • Kastell "l'Epinay",
  • Kastell Buhel,
  • Kastell "Sein des bois",
  • Kastell Boduan ...

Ha Peulvan "dent Gargantua" etre Lann-Sei ha Sant Kler. Hervez ar sorbienn e oa kouezhet ar peulvan diouzh botez Gargantua ha flastret en doa ur pesketaer hag a oa dindanañ.

Monumantoù ar re varv

  • Monumant ar re varv e bered Plesei, luc’hskeudenn[10]. Dioueliet e voe d’ar 7 a viz Mae 1922[11].
  • Monumant ar re varv e Le Coudray, luc’hskeudenn[12] ha kartenn-bost[13].
  • Monumant ar re varv e Le Dresny, luc’hskeudenn[14].
Remove ads

Yezhoù

Emañ Plesei e Bro C'hallo, komzet e vez gallaoueg er gumun eta.

Ar brezhoneg zo bet komzet ivez gant tud Plesei gwezharall, ur bochad anvioù-lec'h brezhonek a zo er gumun, muioc'h ag 20% hervez labour Jean Yves Le Moing. Setu lod anezho: Toulan (toul-lann), Tresé (Tre-Sei), Govelo, Couët-Dan, Hinlès (Hen-lez), Tregouët (Tregoed), Dresny (Draeneg).

Gallout a reer gwelet eo aet Kerguemer (1420) da gCarguemey (1562) etre ar XVvet hag an XVIvet kantved. Ar ger "kêr" aet da "car" a c'hell bout arouez ur cheñch yezh.

Ur arouez arall eo "Quélme", n'eo ket aet ar ger-se da "gKalvez". Neuze eo bet kollet ar brezhoneg e Quélmé er XIVvet kantved marteze.

Remove ads

Melestradurezh

Muioc'h a ditouroù Mare, Anv ...

Poblañsouriezh

abaoe 1962

Niver a annezidi

etre 1793 ha 2009

Liammoù diavaez


Commons
Commons
Muioc'h a restroù diwar-benn

a vo kavet e Wikimedia Commons.

  • Lec'hienn an ti-kêr : (fr)
  • Ul lec'hienn diwar-benn istor ar barrez : (fr)
  • (br) Plesei war Geobreizh

Levrlennadur

Daveoù ha notennoù

Loading related searches...

Wikiwand - on

Seamless Wikipedia browsing. On steroids.

Remove ads
Remove ads