Tenness
From Wikipedia, the free encyclopedia
Remove ads
An tenness zo un elfenn gimiek kevanaozet gant mab-den ; 117 eo he niver atomek ha Ts he arouez. Skinoberiek-kenañ eo. War-dro 0,051 eilenn hepken eo hanter-vuhez an izotop stabilañ a anavezer, 294Ts.
E taolenn drovezhiek an elfennoù emañ er strollad 17, an drovezh 7 hag ar bloc'h p, hini an elfennoù ez eo ns2 np1–6 o aozadur elektronek.
Remove ads
Istor
En Ensavadur Unvanet an Enklaskoù Nukleel (Joint Institute for Nuclear Research, JNJR ; ruseg : Объединённый институт ядерных исследований, ОИЯИ) e Dubna (Oblast Moskov) e voe klasket kevanaozañ un elfenn nevez adalek miz Kerzu ar bloaz 2004 dre genlabour ur skipailh rusian, renet gant ar c'helenner Youri Oganessian (ganet e 1933), hag unan stadunanat en Oak Ridge National Laboratory (ORNL) en Oak Ridge (Tennessee).
D'an 10 viz Ebrel 2010 ez embannas an enklaskerien o devoa skinataet berkeliom-249 gant ionoù kalkiom-48 ha bet c'hwec'h atomenn eus un elfenn nevez, dre an izotopoù ha dre [2].
![{\displaystyle {}_{\ 117}^{293}\operatorname {[?]} }](http://wikimedia.org/api/rest_v1/media/math/render/svg/14e65ba08f2ece7765c804638069eadb82acd21f)
![{\displaystyle {}_{\ 117}^{294}\operatorname {[?]} }](http://wikimedia.org/api/rest_v1/media/math/render/svg/d21376911e4395d87321812a3b05dda4fe10d101)
![{\displaystyle {}_{\ 117}^{297}\operatorname {[?]} }](http://wikimedia.org/api/rest_v1/media/math/render/svg/6d9fb1a90c6f079c73817706cfe780af7856507c)
E miz meurzh 2016 e voe kinniget d'an International Union of Pure and Applied Chemistry (IUPAC) an anv tennessine evit an elfenn nevez, en enor d'an Tennessee. E miz Mezheven 2016 e voe degemeret da anv ofisiel, gant an arouez 117Ts[3].
Remove ads
Perzhioù
Ne ouzer netra a-zivout an elfenn 117Ts er-maez eus he aozadur elektronek abalamour ma'z eus bet kenderc'het kalz re nebeut a atomennoù, ma tigevanont kalz re vuan ha ma koustont kalz re ger.
Izotopoù
Daou izotop eus 117Ts zo bet kavet betek-henn[4].
- A-zivout ar bann "Digevanañ"
- α a dalvez ez eztaol an elfenn ur rannig alpha (kraoñell 2He)en ur zigevaniñ.
Notennoù
Wikiwand - on
Seamless Wikipedia browsing. On steroids.
Remove ads