Муханов Вячеслав Фёдорович

Муханов Вячеслав Фёдорович (2.10.1956-мĕш çулта Канашра çуралнă) — теориçĕ-физик, космолог, физика-математика ăслăхĕсен тухтăрĕ (1989), Мюнхен университечĕн (Германи) профессорĕ, 1997-мĕш çултанпа унти физика факультетĕнче астропĕрчĕсен физикипе космологи кафедрине ертсе пырать. Нумай-нумай чыславсене тивĕçнĕ çын.

Муханов хушаматлă урăх çынсем çинчен Википедире статьясем пур.

Муханов Вячеслав Фёдорович
Муханов Вячеслав Фёдорович
Çуралнă вăхăт:	1956 çулхи юпан 2-мĕшĕ
Çуралнă вырăн:	Канаш, Чăваш АССР, РСФСР, ССРП
Патшалăх:	ССРП РФ
Ăслăх сфери:	теориллĕ физика, космологи
Альма-матер:	МФТИ
Ăслăх ертӳçи:	Леонид Моисеевич Озерной, Виталий Лазаревич Гинзбург.

Тĕпрен илсен, космологири инфляци теорине, ыттисемпе пĕрле, никĕслесе малалла аталантарнипе паллă.

Кунçул

Муханов Вячеслав Фёдорович 1956-мĕш çулхи октбрĕн 2-мĕшĕнче Чăваш Енри Канаш хулинче çуралса ÿснĕ. Ашшĕ, Фёдор Муханов Тăвай районĕнчи Мучар вырăс ялĕнчен^[1]. Вăл Канашри вакунсем юсакан савутра смена пуçлăхĕ пулса ĕçленĕ, 2010-мĕш çул тĕлнелле вилнĕ. Амăшĕ — Алевтина Алексеевна Муханова (качча кайичченхи хушамачĕ Саландаева) 1932-мĕш çулта Чăваш республликинчи Комсомольски районĕнчи Хырхĕрри чăваш ялĕнче çуралса ÿснĕ^[1], анчах та пĕчĕкренпех, ашшĕ-амăшĕпе пĕрле, Канашра пурăннă. Вăл ĕмĕр тăршшĕпех кондитер хапрăкĕнче тĕрмешнĕ. Халĕ пенсире. Ăславçăн кукамăшне, çичĕ ача амăшне, хут пĕлменскере, Анна Ивановна тесе чĕннĕ. Кукашшĕ — Алексей Алексеевич (е, ытти хыпарсем тăрăх, Николаевич), ăна ВОВ умĕн репрессиленĕ пулнă, 1957-мĕш çулта реабилитациленĕ. Куккăшĕсем (амăшĕпе пĕртăваннисем) — Константин тата Сергей, вăрçăра (ВОВ) пуç хунă.

Малтан килйыш Канашри Шмидт урамĕнче, кайран Шохвĕр урамĕнче. Хальхи вăхатра ăславçăн амăшĕ шăпах çавăнта.

Ăçта вĕренни

• Канашри 64-мĕш №-лĕ шкул (халĕ унăн номерĕ 11). 9-мĕш класа çитсен Чкалов урамĕнчи 62-мĕш шкула куçнă.
• Мускав университечĕ çумĕнчи 18 № физика-математика шкулĕ (халĕ Ятарлă вĕрентÿ тата ăслав центрĕ — СУНЦ)
• МФТИн пĕтĕмĕшле тата килтерĕш физика факультечĕ (1973-1979)

Ăçта ĕçлени

• ФИАН (Лебедев ячĕллĕ Физика институчĕ)
• Нуклонсар тĕпчевĕсен институчĕ (1989-1992)
• Цюрихри аслă техника шкулĕн доценчĕ (1992-1997)
• Мюнхен университечĕ (1997, 1998 — паянхи кунчченех)

Кун çути курнă ĕçĕсем

• Mukhanov, V. F., and G. V. Chibisov. "JETP Lett. 33 532 Hawking SW, 1982."Phys. Lett. B 115 (1981): 295.
• Mukhanov, Viatcheslav F. Physical foundations of cosmology. Cambridge University Press, 2005
• Mukhanov, Viatcheslav and Winizki, Sergei,"Introduction to Quantum Effects in Gravity", Cambridge University Press, 2007

Вуламалли

• Головина Н. С. Муханов Вячеслав Фёдорович — Электронла чăваш энциклопедири статья.