Bahrain

Gwlad Arabaidd, fechan yng Ngwlff Persia yw Teyrnas Bahrein neu Bahrein (Arabeg: مملكة البحرين‎ Mamlakat al-Baḥrayn). Mae'n un o wledydd y Dwyrain Canol a hefyd yn rhan o orllewin Asia. Mae'r wlad yn cynnwys nifer o ynysoedd. Mae wedi'i lleoli rhwng arfordir gogledd-ddwyreiniol Sawdi Arabia, a phenrhyn Catar: mewn geiriau eraill: saif rhwng Gwlff Persia a'r Dwyrain Canol. Ei phrifddinas a'i dinas fwyaf yw Manama. Mae arwynebedd y wlad yn 295.37 mi sgwâr (765 km²); mewn cymhariaeth, mae arwynebedd Ynys Môn yn 276 milltir sgwâr (715 km²).

Bahrain

Teyrnas Bahrein مملكة البحرين Mamlakat al-Baḥrayn
Arwyddair	Ours. Yours. Bahrain
Math	gwladwriaeth sofran, ynys-genedl, gwlad, ynysfor
Prifddinas	Manama
Poblogaeth	1,569,666
Sefydlwyd	15 Awst 1971 o Loegr[1]
Anthem	Bahrainona
Pennaeth llywodraeth	Salman bin Hamad, Crown Prince of Bahrain
Cylchfa amser	UTC+03:00, Asia/Bahrain
Iaith/Ieithoedd   swyddogol	Arabeg
Daearyddiaeth
Rhan o'r canlynol	Y Dwyrain Canol, ystyrir gan yr UE fel gwlad sy'n hafan i bobl sy'n osgoi trethi, De-orllewin Asia, Gwladwriaethau'r Gwlff
Gwlad	Bahrain
Arwynebedd	786.5 km²
Yn ffinio gyda	Sawdi Arabia, Iran
Cyfesurynnau	26.0675°N 50.55111°E
Gwleidyddiaeth
Corff deddfwriaethol	Cynulliad Cenedlaethol Bahrain
Swydd pennaeth   y wladwriaeth	brenin Bahrain
Pennaeth y wladwriaeth	Hamad II of Bahrain
Swydd pennaeth   y Llywodraeth	Prif Weinidog Bahrain
Pennaeth y Llywodraeth	Salman bin Hamad, Crown Prince of Bahrain
Ariannol
Cyfanswm CMC (GDP)	$39,303 million, $44,391 million
Arian	Bahraini dinar
Canran y diwaith	4 canran
Cyfartaledd plant	2.056
Mynegai Datblygiad Dynol	0.875
Ffeiliau perthnasol ar Comin

Canolbwynt a chanolfan weinyddol Bahrain yr ynysfor (archipelago) hon yw Ynys Bahrain ei hun: y fwyaf ohonynt. Mae Saudi Arabia 23 km (14 mill) i ffwrdd ohoni a gelwir y ffordd sy'n eu cysylltu yn 'Gob y Brenin Fahd', sy'n gymysgedd o gobiau a phontydd. Mae Penrhyn Qatar hefyd yn eitha agos - 50 km (31 mill) i'r de-ddwyrain, a gelwir y môr sy'n eu gwahanu yn Wlff Bahrain. 200 km (124 mill) i'r gogledd ar draws Gwlff Persia mae Iran.

Poblogaeth Teyrnas Bahrein yn 2010 oedd 1,234,567 gyda 666,172 ohonynt yn dramorwyr.^[2] Mae arwynebedd y wlad yn 780 km² sy'n ei gosod yn drydydd wlad lleiaf yn Asia, yn dilyn y Maldives a Singapôr.^[3]

Bahrein

Protestiadau 2011

Yn Ionawr 2011 gwelwyd llawer o brotestiadau yn ymledu drwy'r Dwyrain Canol, protestiadau a gwrthryfeloedd a ellir eu hadnabod fel "Y Deffroad Mwslemaidd" ac erbyn Chwefror roedd wedi cyrraedd Bahrein. Lladdwyd 5 o sifiliaid ar 18 Chwefror pan saethodd yr heddlu i ganol y dorf. Ar 14 Mawrth gyrrodd milwyr Sawdi Arabia a'r Yr Emiradau Arabaidd Unedig er mwyn gwarchod gweithfeydd nwy ac arian y wlad.