Clive Swift

Actor a chyfansoddwr caneuon o Loegr oedd Clive Walter Swift (9 Chwefror 1936 – 1 Chwefror 2019). Roedd yn adnabyddus am ei rôl fel Richard Bucket, gŵr amyneddgar Hyacinth (a chwaraewyd gan Patricia Routledge) yn y gyfres deledu Prydeinig Keeping Up Appearances, ond chwaraeodd lawer o rannau ffilm-a-theledu nodedig eraill, gan gynnwys Roy yn y gyfres deledu The Old Guys.

Clive Swift
Ganwyd	9 Chwefror 1936  Lerpwl
Bu farw	1 Chwefror 2019  o methiant anadlu  Llundain
Dinasyddiaeth	y Deyrnas Unedig
Alma mater	Coleg Clifton Coleg Gonville a Caius
Galwedigaeth	actor, actor ffilm, cyfansoddwr, actor teledu
Priod	Margaret Drabble
Plant	Adam Swift, Joe Swift

Bywyd a gyrfa

Ganwyd Swift yn Lerpwl, yn fab i Lily Rebecca (née Greenman) ac Abram Sampson Swift.^[1] Roedd ei frawd hynaf, David, hefyd yn actor. Cafodd y ddau eu haddysgu yng Ngholeg Clifton a Choleg Gonville a Caius, Caergrawnt, lle astudiodd lenyddiaeth Saesneg. Bu'n athro yn LAMDA a'r Royal Academi of Dramatic Art. Roedd ei deulu yn Iddewig.^[2]

Ymddangosodd fel Snug yng nghynhyrchiad ffilm Cwmni Shakespeare Frenhinol o A Midsummer Night's Dream yn 1968 fel rhan o cast a oedd yn cynnwys Diana Rigg, Helen Mirren ac Ian Richardson. Yn y 1970au, ymddangosodd fel Doctor Black mewn dwy o addasiadau'r BBC o storiau M.R. James, sef The Stalls of Barchester ac A Warning to the Curious. Roedd yn fwyaf adnabyddus am ei rôl ar Keeping Up Appearances fel Richard Bucket, gŵr amyneddgar Hyacinth. Serenodd Swift yn addasiad y BBC o The Barchester Chronicles ac ymddangosodd yn stori Doctor Who, Revelation of the Daleks. Ar 25 Rhagfyr 2007, ymddangosodd yn rhifyn arbennig Nadolig Doctor Who fel Mr Copper. Bu hefyd yn chwarae Sir Ector, tad mabwysiadol Brenin Arthur yn y ffilm Excalibur gan John Boorman yn 1981.

Yn ogystal ag actio, roedd yn gyfansoddwr caneuon. Ymddangosodd llawer o'i ganeuon yn ei sioe, Richard Bucket Overflows: An Audience with Clive Swift, a deithiodd wledydd Prydain yn 2007 a Clive Swift Entertains, lle berfformiodd ei gerddoriaeth a'i geiriau ei hun, a deithiodd wledydd Prydain yn 2009. Bu hefyd yn chwarae rhan y Parchedig Eustacius Brewer yn Born a Bred, a ddarlledwyd ar BBC 1 o 2002 i 2005.^[3]

Bywyd personol a marwolaeth

Roedd Swift yn briod â'r nofelydd Margaret Drabble o 1960 hyd eu ysgariad ym 1975.^[4] Roedd yn dad i un ferch, Rebecca (a fu farw ym mis Ebrill 2017), a oedd yn adnabyddus am redeg The Literary Consultancy in London, a dau fab, Adam Swift, academydd, a Joe Swift, dylunydd gardd, newyddiadurwr a chyflwynydd teledu.^[5]

Bu farw Swift ar 1 Chwefror 2019, yn ei gartref yn 82 oed.^[6] Treuliodd ei ddyddiau olaf gyda'i deulu^[7] yn dilyn arhosiad byr yn Ysbyty St Mary's, Llundain lle cafodd ei drin am salwch byr.

Ffilmyddiaeth

Ffilm

Blwyddyn	Teitl	Rhan	Nodiadau
1965	Catch Us If You Can[8]	Duffie
1968	A Midsummer Night's Dream[9]	Snug
1972	Frenzy[10]	Johnny Porter
1972	Death Line[11]	Inspector Richardson
1973	The National Health[12]	Ash
1973	Man at the Top[13]	Massey
1978	The Sailor's Return[14]	Reverend Pottock
1981	Excalibur[15]	Ector
1984	Memed My Hawk[16]	Magistrate
1984	A Passage to India[3]	Major Callendar
1988	Young Toscanini[17]	Comparsa	Heb gydnabyddiaeth
1997	Gaston's War[18]	General James
2004	Othello[19]

Teledu

Blwyddyn	Teitl	Rhan	Nodiadau
1971	The Stalls of Barchester[20]	Dr. Black
1972	The Liver Birds[21]	Jim Royle	1 pennod
1972	Dead of Night[22]	Dan
1972	A Warning to the Curious[23]	Dr. Black
1976	Romeo and Juliet[3]	Friar Lawrence
1978	Bless Me, Father[24]	Fred Dobie	1 pennod: "Father and Mother"
1979	Henry IV, Part 1[25]	Thomas Percy, Earl of Worcester
1981	Winston Churchill: The Wilderness Years[26]	Sir Horace Wilson
1982	Tales of the Unexpected[3]	Latham	1 pennod: S5, E5 ""Stranger in Town"
1982	The Barchester Chronicles	Bishop Proudie
1985	The Pickwick Papers[27]	Tracy Tupman
1985	Doctor Who	Professor Jobel	Revelation of the Daleks[27]
1986	First Among Equals	Alec Pimkin
1987	Inspector Morse[27]	Doctor Bartlett
1987	Pack of Lies	Ellis
1990–1995	Keeping Up Appearances[27]	Richard Bucket	Prif rham
1993	Heartbeat	Victor Kellerman
1994	Woof![angen ffynhonnell]	Alex Pardoe
1997	The Famous Five[27]	Mr. Pottersham	Five Have a Wonderful Time
1998	Peak Practice	Norman Shorthose
1999	Aristocrats	King George II
2002–2005	Born and Bred[27]	Reverend Eustacius Brewer
2007	Doctor Who	Mr. Copper	"Voyage of the Damned"
2009–2010	The Old Guys[3][27]	Roy
2011	Hustle	Yusef
2014	Cuckoo[3]	Dr. Rafferty	1 pennod
2017	Midsomer Murders[28]	Felix Hope	(ymddangosiad olaf)

Radio

• Oblomov fel y Doctor
• The Right Time
• From Fact to Fiction – The Orchard fel yr Adrodddwr
• Measure for Measure fel Escalus
• Jorrocks's Jaunts and Jollities fel Nash
• The Price of Fear – Remains to be Seen fel Fred Treiber

Llwyfan

• Cymbeline (1962) fel Cloten
• The Physicists (1963) fel Inspector Richard Voss (Aldwych Theatre)
• The Tempest (1966) fel Caliban (Prospect Theatre Company)^[29]

Arall

• Fel Cyril (brawd yng nghyfraith Beatie yn Awstralia) mewn hysbyseb teledu ar gyfer British Telecom (1989) ^[30]