Omar Sharif

Actor a chwaraewr cardiau o'r Aifft yw Omar Sharif (Arabeg: عمر الشريف‎ (ganwyd Michel Demitri Shalhoub; 10 Ebrill 1932  – 10 Gorffennaf 2015^[1]). Ystyr y cyfenw a fabwusiadodd yw "uchelwr" yn Arabeg. Ymhlith ei ffilmiau enwocaf y mae: Lawrence of Arabia (1962), Doctor Zhivago (1965) a Funny Girl (1968). Cafodd ei enwebu am Wobr yr Academi a 3 Golden Globe Award a Gwobr César.

Omar Sharif
Ffugenw	عمر الشريف
Ganwyd	ميشيل يوسف ديمتري شلهوب  10 Ebrill 1932  Alexandria
Bu farw	10 Gorffennaf 2015  o trawiad ar y galon  Behman Hospital
Dinasyddiaeth	Yr Aifft
Alma mater	Victoria College Prifysgol Cairo
Galwedigaeth	actor, actor ffilm, ysgrifennwr, awdur ffeithiol, actor teledu, bridge player
Adnabyddus am	Doctor Zhivago, Lawrence of Arabia
Arddull	y Gorllewin Gwyllt
Tad	Joseph Chalhoub
Priod	Faten Hamama
Plant	Tarek Sharif
Gwobr/au	Gwobr y Llew Aur am Gyflawniadau Gydol Oes, Gwobr César am yr Actor Gorau, Gwobr Golden Globe am Actora Gorau - Drama Ffilm Nodwedd, Gwobr y Glob Aur am yr Actor Cefnogol Gorau - ar ffim, Golden Globe Award for New Star of the Year – Actor
Chwaraeon
llofnod

Cafodd ei eni yn Alexandria, yr Aifft, yn fab i Joseph Chalhoub a'i wraig Claire Saada a oedd yn prynu a gwerthu coed. Derbyniodd Sharif ei addysg yng Ngholeg Victoria, Alexandira cyn ymuno gyda Phrifysgol Cairo lle'r astudiodd mathemateg a ffiseg. Priododd yr actores Faten Hamama ym 1955, gan droi'n Fwslim a chawsont un plentyn: Tarek Sharif a anwyd yn 1957. Yn 1974 chwalwyd y briodas ac ni phriododd eildro.^[2] A thros y blynyddoedd disgynodd dros ei ben a'i glustiau gyda nifer o actoresau enwog gan gynnwys Ingrid Bergman, Catherine Deneuve ac Ava Gardner.^[3]

Yn y 1950 serennodd mewn ffilmiau Arabeg yn ei wlad ei hun, a daeth yn boblogaidd dros nos.

Bridge

O'r 1960 hyd ddiwedd y 1980au daeth yn enwog am ei hoffter o'r gêm gardiau Bridge a bu ganddo golofn ym mhapur newydd y Chicago Tribune. Sgwennodd hefyd nifer o lyfrau ar y pwnc a thrwyddedodd ei enw i gêm gyfrifiadurol yn ymwneud â bridge, sef "Omar Sharif Bridge", sydd wedi bod ar werth ers 1992.

Y diwedd

Ond meistr arno oedd y ddiod gadarn a gamblo, a threuliodd lawer o nosweithiau'n yfed a gamblo. Yn 2015 datgelwyd ei fod yn dioddef o Clefyd Alzheimer’s.^[4] Bu farw o drawiad ar y galon mewn ysbyty yng Nghairo yn 83 mlwydd oed.

Ffilmiau

• Sira` Fi al-Wadi (1954)
• Ayyamna al-Holwa (1955)
• Siraa Fil-Mina (1956)
• Ard al-Salam (1957)
• Goha (1958)
• Sayedat el kasr (1959)
• Bidaya wa nihaya (1960)
• Nahr el hub (1961)
• Lawrence of Arabia (1962)
• Genghis Khan (1965)
• Doctor Zhivago (1965)
• The Night of the Generals (1967)
• Funny Girl (1968)
• The Tamarind Seed (1974)
• Funny Lady (1975)
• Peter the Great (1986)
• The Jewel of the Nile (1988)
• Memories of Midnight (1991)
• Monsieur Ibrahim et les fleurs du Coran (2003)
• Hidalgo (2004)
• Fuoco su di me (2005)