Vortludo

Vortludo (foje vortĵunglado) estas parolaĵo, kiu ludas per vortoj celante montriĝi humura aŭ ruza.

Ĉi tiu artikolo temas pri Vortludo. Por informoj pri la saĝtelefona ludo, vidu la artikolon Vortludo (saĝtelefona ludo).

Ĝenerale, ekzistas jenaj specoj de vortludoj: akrostiko, ambigramo, anagramo, drudelo, enigmo, izogramo, kalemburo, kontraŭknalo, kriptogramo, langrompilo, lipogramo, logogrifo, magia kvadrato, oksimoro, palindromo, paronimo, paronomazio, pleonasmo, rebuso, sekretlingvo, ŝarado, vort(a)ludo, vortondo.

Iuj estas hazardaj misdiroj, aliaj intence kreitaj por distro aŭ amuzo.

La popola uzado de literaturo kondukas interalie al vortoludoj. Tiele la popoleca Raymond Schwartz meditas pri vortoj tiele:

	„ Estas vortoj, kies saĝo daŭros dum jarcentoj mil, kaj al kiuj plia aĝo donos ankaŭ pli da bril'.[1] ”

Ekzemploj

• la nomo de la rokgrupo Amplifiki: am+pli+fiki
• Vespo+er/ vespero
• di+amanto/diamanto
• edz+peranto/Esperanto
• kriznasko/kristnasko (de Raymond Schwartz)
• Ja-pano/Japano
• In+sekto/insekto
• sent-ema/sen-tema parolado

Vortludoj en Esperanto

Marjorie Boulton, en sia mikspota libro Faktoj kaj fantazioj, dediĉas ties 30an ĉapitron "Vortaj sportoj" al komentoj kaj diversaj ekzercoj pri vortoludoj.^[2]

Literaturo

• Vortludoj Arkivigite je 2018-07-18 per la retarkivo Wayback Machine, de Lode Van de Velde, aperis ĉe FEL (2003)

Vidu ankaŭ

• Vortludoj aŭ kalemburoj
• Lingva labirinto
• Vortfiguroj
• Vortŝerco
• Vortludo (poŝtelefona ludo)
• Esperanto-kulturo