Distrikto Zwickauer Land
From Wikipedia, the free encyclopedia
Remove ads
La Distrikto Zwickauer Land estis parto de la Respubliko Saksio, kiu estas federacia lando de Germanio. La distrikto ekzistis ĝis la 31-a de julio 2008. La 1-an de aŭgusto 2008 ĝi kun la iama distrikto Chemnitzer Land kaj la antaŭa eksterdistrikta urbo Zwickau kunfandiĝis al nova distrikto Zwickau. La distrikto apartenis al la administra distriktaro Chemnitz, kaj ĝis la 1-a de marto 2012 ankaŭ la nova distrikto Zwickau apartenis al ĝi - ekde tiu dato en Saksio ne plu ekzistas la antaŭaj tri distriktaroj Chemnitz, Dresden kaj Leipzig.
La urbo Werdau estis la administra centro de la distrikto. Sur ties areo de 511,09 km² fine de la jaro 2007 loĝis 125 675 homoj; do meznombre 255 sur unu kvadrata kilometro. En tuta Saksio la koncerna nombro tiutempe estis 238, en Germanio 231. En la sekva skema mapo la distrikto Zwickauer Land estas signita per 22.
.png)
Najbaraj distriktoj ĝis julio 2008 estis nordoriente Chemnitzer Land, oriente Stollberg, sude Aue-Schwarzenberg, sudokcidente Vogtland, okcidente kaj norde la turingiaj distriktoj Greiz kaj Altenburger Land. La distrikto Zwickauer Land preskaŭ komplete ĉirkaŭis la ĝis la 1-a de aŭgusto 2008 eksterdistriktan urbon (germane: kreisfreie Stadt) Zwickau.
Remove ads
Eksteraj ligiloj
Wikiwand - on
Seamless Wikipedia browsing. On steroids.
Remove ads