Meropo

Meropoj (Merops) estas genro de paseroformaj birdoj el familio Meropedoj, ankaŭ iam nomataj abelmanĝuloj. La plej konata kaj disvastigita specio el la genro, kutime nomata simple meropo, estas Eŭropa meropo aŭ Eŭropa abelmanĝulo (Merops apiaster). Ĝi ankaŭ estas la tipa specio de la genro.

Kiel legi la taksonomion Meropoj
Eŭropa meropo, (Merops apiaster)
Biologia klasado
Regno: Animaloj Animalia Filumo: Ĥorduloj Chordata Klaso: Birdoj Aves Ordo: Koracioformaj Coraciiformes Familio: Meropedoj Meropidae
Genro
Merops Linnaeus, 1758
Aliaj Vikimediaj projektoj
Sistematiko en Vikispecioj
Komunejo pri Meropoj
v • d • r

Taksonomio

La genro Merops formas propran monotipan subfamilion Meropinae kaj enhavas grandan plejparton de la familio Meropedoj. Nur tri specioj de abelmanĝuloj apartenas al alia subfamilio Nyctyornithinae: du en genro Nyctyornis kaj unu en Meropogon.

La genron enkondukis Karolo Lineo mem en la 10-a eldono de sia fundamenta libro Systema Naturae (1758).^[1] La tipa specio estas la Eŭropa abelmanĝulo.^[2] La nomo Merops estas klasika greka vorto rekte tradukebla kiel "abelmanĝulo".^[3]

Specioj

Laŭ la plej freŝa sistematiko la genro Merops havas 28 speciojn:^[4]

Bildo	Kutima nomo	Scienca nomo	Distribuo
	Nigrakapa abelmanĝulo	Merops breweri	Angolo, Centrafrika Respubliko, Respubliko Kongo, Demokratia Respubliko Kongo, Eburbordo, Gabono, Ganao, Niĝerio, kaj Suda Sudano.
	Blukapa abelmanĝulo	Merops muelleri	Kameruno, Centrafrika Respubliko, Respubliko Kongo, Demokratia Respubliko Kongo, Gabono, Ekvatora Gvineo, kaj Kenjo.
	Bluliphara abelmanĝulo	Merops mentalis	Kameruno, Eburbordo, Ekvatora Gvineo, Ganao, Gvineo, Liberio, Niĝerio, kaj Sieraleono.
	Nigra abelmanĝulo	Merops gularis	de Sieraleono ĝis sud-eosta Niĝerio.
	Hirundovosta abelmanĝulo	Merops hirundineus	tra Subsahara Afriko.
	Malgranda abelmanĝulo	Merops pusillus	Subsahara Afriko
	Blubrusta abelmanĝulo	Merops variegatus	Angolo, Zambio, Tanzanio, Ugando, Demokratia Respubliko Kongo, Niĝerio, kaj Kameruno.
	Etiopia abelmanĝulo	Merops lafresnayii	Etiopio, Eritreo, Sudano, kaj Suda Sudano.
	Brunbrusta abelmanĝulo	Merops oreobates	Burundo, Demokratia Respubliko Kongo, Etiopio, Kenjo, Ruando, Suda Sudano, Tanzanio, kaj Ugando.
	Ruĝgorĝa abelmanĝulo	Merops bulocki	Benino, Burkino, Kameruno, Centrafrika Respubliko, Ĉadio, Demokratia Respubliko Kongo, Eburbordo, Etiopio, Gambio, Ganao, Gvineo, Gvineo-Bisaŭo, Malio, Maŭritanio, Niĝero, Niĝerio, Senegalo, Sieraleono, Sudano, Togolando, kaj Ugando.
	Blankfrunta abelmanĝulo	Merops bullockoides	sub-ekvatora Afriko.
	Somalia abelmanĝulo	Merops revoilii	Etiopio, tuta Somalio, norda kaj eosta Kenjo.
	Blankgorĝa abelmanĝulo	Merops albicollis	suda Senegalo ĝis Ugando.
	Abelmanĝulo de Boehm	Merops boehmi	Demokratia Respubliko Kongo, Malavio, Mozambiko, Tanzanio, kaj Zambio.
	Afrika verda abelmanĝulo	Merops viridissimus[5]	Subsahara Afriko de Senegalo kaj Gambio ĝis Etiopio, kaj la Delto de Nilo
	Arabia verda abelmanĝulo	Merops cyanophrys[5]	Arabia Duoninsulo kaj Levanto
	Hindia abelmanĝulo	Merops orientalis[5]	tra Azio de suda marborda Irano tra Hindio ĝis Vjetnamio
	Bluvanga abelmanĝulo	Merops persicus	Norda Afriko, Mezoriento, Turkio, Kazaĥio, kaj Bharato
	Madagaskara abelmanĝulo	Merops superciliosus	Angolo, Botsvano, Burundo, Komoroj, Demokrata Respubliko Kongo, Ĝibuto, Eritreo, Etiopio, Kenjo, Madagaskaro, Malavio, Majoto, Mozambiko, Namibio, Ruando, Somalio, Sudano, Suda Sudano, Tanzanio, Ugando, Zambio, Zimbabvo
	Filipina abelmanĝulo	Merops philippinus	Sudeosta Azio.
	Ĉielarka abelmanĝulo	Merops ornatus	Aŭstralio, Novgvineo, kaj sudaj insuloj de Indonezio.
	Blugorĝa abelmanĝulo	Merops viridis	Sudeosta Azio
	Rufkapa abelmanĝulo	Merops americanus	Filipinoj
	Brunkapa abelmanĝulo	Merops leschenaulti	Bharato kaj Sudeosta Azio.
	Eŭropa abelmanĝulo	Merops apiaster	Suda kaj Eosta Eŭropo, partoj de Norda Afriko kaj Uesta Azio.
	Roznigra abelmanĝulo	Merops malimbicus	Angolo, Benino, Burkino, Respubliko Kongo, Demokratia Respubliko Kongo, Eburbordo, Ekvatora Gvineo, Gabono, Ganao, Niĝerio, kaj Togolando.
	Nordkarmina abelmanĝulo	Merops nubicus	Benino, Burkino, Kameruno, Centrafrika Respubliko, Ĉadio, Demokratia Respubliko Kongo, Eburbordo, Eritreo, Etiopio, Gambio, Ganao, Gvineo, Gvineo-Bissaŭo, Kenjo, Liberio, Malio, Maŭritanio, Niĝero, Niĝerio, Senegalo, Sieraleono, Somalio, Sudano, Tanzanio, Togolando, kaj Ugando.
	Sudkarmina abelmanĝulo	Merops nubicoides	Kvazulu-Natalo kaj Namibio ĝis Gabono, eosta Demokratia Respubliko Kongo, kaj Kenjo.

Ĉiu specio montras traokulan nigran strion aŭ almenaŭ nigran zonon. Preskaŭ ĉiu havas ĉu bluan ĉu verdan kolorojn en la plumaro.

Bibliografio

• C H Fry & Kathie Fry, 2000, "Kingfishers, Bee-eaters and Rollers",ISBN 0-691-04879-7,Princeton University Press.