Toruń
urbo en nuntempa Pollando From Wikipedia, the free encyclopedia
Remove ads
Toruń, germane Thorn, esperante foje Toruno estas urbo en Pollando. Ĝi apartenas al la vojevodio Kujavio-Pomerio kaj estas urbo kun rajto de distrikto (eksterdistrikta urbo): tamen ĝi funkcias kiel administra centro por la samnoma distrikto Toruń, kiu plene ĉirkaŭas la urban komunumon. Fine de 2021 en la urbo vivis 198 273 loĝantoj.
Remove ads
Historio
Antaŭ ol la grandurbo ekzistis, ekzistis setlejo en Toruń kiu estis parto de Piasta Pollando. La urbo fondiĝis dum la jaro 1231 kaj estis la unua urbofondo de la ordeno de germanaj kavaliroj. Dum la Mezepoko, la urbo apartenis al la komerca ligo Hanso. En 1454, la grandparte germanlingvaj loĝantoj de Thorn estis kontraŭ la ordena regado, kaj la urbestraro petis la polan reĝon ligi la urbon al Pollando, kio kaŭzis militon inter la pola armeo kaj la germanaj kavaliroj en 1454-1466 (la loĝantoj de la urbo forte subtenis kaj financis la polan flankon). Ekde 1466, Thorn troviĝis en la Krono de la Regno de Pollando. Ĝi estis unu el la plej grandaj urboj de la reĝlando. Post la dua dispartigo de Pollando en 1793, la urbo estis okupita de la germanlingva reĝlando Prusio. En la jaroj 1807-1815 ĝi estis parto de la napoleona Duklando Varsovio, kaj en 1815 ĝi estis re-alkroĉita al Germana Prusio. En 1919, la Traktato de Versajlo resendis la urbon al Pollando, kiu reakiris sian sendependecon. Inter 1939 kaj 1945, Toruń estis okupita fare de Nazia Germanio kiel rezulto de la okupo de la pola ŝtato. En 1945, la grandurbo estis konkerita fare de la sovetunia Ruĝa Armeo kaj resendita al Pollando.
Remove ads
Vidindaĵoj
Partneraj urboj de Toruń
Toruń havas partnerajn rilatojn kun sep urboj:
Čadca, Slovakio – ekde 1996
Filadelfio, Usono – ekde 1976
Göttingen, Germanio – ekde 1978
Hämeenlinna, Finnlando – ekde 1989
Kaliningrado, Rusio – ekde 1995
Leiden, Nederlando – ekde 1988
Swindon, Anglio – ekde 2003
Famuloj
- Koperniko – pola astronomo, matematikisto, kanoniko, aŭtoro la libron De revolutionibus orbium coelestium (pole: Pri la turno de ĉielaj sferoj), en kiu li tezis la suncentran teorion
- Samuel Thomas Sömmerring – germana paleontologisto, membro de Reĝa Sveda Akademio de Sciencoj
- Samuel Bogumił Linde – aŭtoro de Słownik języka polskiego, unua pola vortaro
- Tony Halik – pola vojaĝisto, ĵurnalisto, aŭtoro vojaĝlibrojn
- Elżbieta Zawacka – kurierino la Ĉefa Komandejo de Pola Enlanda Armeo, unua virino en Mutobskuruloj
- Aleksander Wolszczan – pola astronomo, malkovristo unuaj ekstersunsistemaj planedoj
- Wilhelm Vollmer, germana verkisto kaj filologo
- Gottfried Vollmer, germana eldonisto
Remove ads
Dua Mondmilito
27.04.1941: En Nov-Jorko la pollingva bulteno "Nowy Świat" informis, ke germana juĝejo kondamnis en Toruń al 5 jaroj de mallibero 60-jaran judon de Bydgoszcz, akuzitan pri komercado per naziaj broŝuroj kaj portretoj de Hitler.
Vidu ankaŭ
- Bydgoszcz - dua ĉefurbo de Kujavio-Pomerio, sidejo de provincestro
- Majstro de la Toruna Madono
- Tramtransporto en Toruń
Remove ads
Wikiwand - on
Seamless Wikipedia browsing. On steroids.
Remove ads