Soledar
From Wikipedia, the free encyclopedia
Soledar (ukraineraz zein errusieraz: Соледар) Ukrainako Donetsk Oblasteko Bakhmut Raionean kokaturiko hiri bat da; herriaren izenak, literalki, "gatzaren oparia" esan nahi du errusieraz eta ukraineraz –bertan kokaturiko lurrazpiko gatzagengatik–. 2021eko estimazioen arabera, hiri-biztanleria 10.692koa zen. Soledarko guduak, Ukrainako inbasioaren baitan, hiria nabarmen suntsitu zuen[1].
| Soledar Соледар | |||
|---|---|---|---|
| Ukrainako hiria | |||
 | |||
| |||
| Administrazioa | |||
| Estatu burujabe |  Ukraina | ||
| Oblast |  Donetskeko oblasta | ||
| Raion of Ukraine | Bakhmuteko raiona | ||
| Hromada | Soledar urban hromada | ||
| Izen ofiziala | Соледар | ||
| Jatorrizko izena | Соледар | ||
| Posta kodea | 84545 | ||
| Geografia | |||
| Koordenatuak | 48°41′43″N 38°04′03″E | ||
 | |||
| Altuera | 100 m | ||
| Demografia | |||
| Informazio gehigarria | |||
| Telefono aurrizkia | 6274 | ||
| Ordu eremua | UTC+02:00 eta UTC+03:00 | ||
| solerada.gov.ua | |||
XVII. mendearen bigarren erdialdean Donbasseko eskualdean kokatu ziren Don kosakoak.[2] 1881ean, lehen gatz-meategia sortu zen, herritik gertu; hainbat urte geroago, beste batzuk sortu ziren ere.
1965ean herria Karlo-Libknekhtovsk izendatu zuten, Karl Liebknetxt-en omenez;[3] 1991ko uztailean, egungo Soledar izena jarri zioten.
1989rako, herriak 12,305 biztanle zituen.[3][4] 2001ean, berriz, 13,151.
2014ko apirilaren erdialdetik aurrera, Errusiako GRUko eragileek, Igor "Strelkov" Ghirkin-ek zuzenduta, Donetsk Oblasteko hainbat herri hartu zituzten,[5][6] Soledar barne;[7] hala ere, 2014ko uztailaren 21ean, ukrainar indarrek hiria berreskuratu zuten militarren eskuetatik.[7] 2014ko abuztuaren 2an, MH17aren istripuaz arduratzen ziren identifikazio-taldeak eta OSCEko behatzaileek base bat ezarri zuten Soledarren, handik errazagoa baitzen istripulekura iristea.[8][9][10]
Hiriko enpresa nagusiak meatzaritza eta prozesaketa industriei lotuta daude: Artyomsol Estatuko Enpresa Elkarteak meatzaritza eta gatza prozesatzen ari da Soledar gatz meategian eta Knauf Gips Donbassen ( Knauf igeltsu ekoizle alemaniar baten filiala).
Herriak erakargarri turistiko handia du: lurpeko galeriak eta gatz meategietako ganberak, asma eta biriketako beste gaixotasun batzuen tratamendu espeleorako ( kobazuloa ) ere asko erabiltzen direnak.
Hiriak tren-geltoki bat du.[3]
Jatorrizko hizkuntza 2001eko Ukrainako Erroldaren arabera:[11]
- Ukrainera: %60.1a
- Errusiera: %39.4a.
- Armeniera: %0.1a.
- Bielorrusiera: %0.1a.
Soledarreko tren-geltokia.
Gatz-meategirako sarrera.
Gatz-meategiaren barruan.
Lurpeko futbol-zelaia eta kontzertu-aretoa, Soledarreko gatz-meategian.
![Thumb](#/media/Fitxategi:The_"Concert_Hall"_at_the_end_of_the_mine.jpg)
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
