Aiora Zabala

Aiora Zabala Aizpuru (Irun, Gipuzkoa, 1982) zientzialaria, ingurumen eta politika ekonomiako irakaslea da.^[1]

Aiora Zabala
Bizitza
Jaiotza	Irun, 1982 (42/43 urte)
Herrialdea	Gipuzkoa, Euskal Herria
Hezkuntza
Heziketa	Bartzelonako Unibertsitatea Oxfordeko Unibertsitatea Cambridgeko Unibertsitatea
Hezkuntza-maila	doktorea
Hizkuntzak	euskara gaztelania ingelesa
Jarduerak
Jarduerak	zientzialaria
Enplegatzailea(k)	Cambridgeko Unibertsitatea

Biografia

Irunen jaioa, han eta Zigan hazi zen, eta Bartzelona, Oxford eta Cambridgeko Unibertsitatean^[2] ikasteko bekak eskuratu ditu. Ingurumen Zientzietan lizentziatua da, eta Ekonomia Ekologikoan doktorea. Erresuma Batuko Unibertsitate Irekian (Open University) eta Cambridgeko Unibertsitatean Ingurumen Politika irakaslea da.

Nature Sustainability zientzia aldizkarian editore izan zen lau urtez, eta EITB Irratian eta Berria egunkarian kolaboratzailea ere izan da.^[3] Dibulgazio artikulu ugari idatzi ditu, euskaraz zein ingelesez, ingurumen, iraunkortasun eta giza zientziei buruz, eta hainbat liburu eta ikerketa artikulutan parte hartu du. Ikerketa eta lan bidaietan ibili da natura eta gizakien arteko harremanez ikasten, besteak beste Mexiko eta Hegoafrikako komunitate txikietan.^[4]

Argitalpenak

• Natura gure esku.(Alberdania, 2022).^[5][6]