Aljeriako frantziar konkista

Aljeriako frantziar konkista 1830 eta 1847 artean gertatu zen. 1827an, Hussein Dey otomandar erregeorde eta frantziar kontsularen arteko liskar bat itsas-blokeo bat bilakatu zen eta 1830ean Uztaileko monarkiak Aljer eta kostaldeko beste hiri batzuk hartu zituen.^[2] Frantzian barneko eztabaida politikoak izanda ere, lurralde berriak bereganatzeari ekin eta epeka epeka herrialdeko barnealdera indar militarrak bidali zituzten.^[3]

Aljeriako frantziar konkista
Frantziar Inperio Kolonialeko gerrak
Horace Verneten 'Constantinako setioa'
Data	1827–1830–1857 [1]
Emaitza	Frantziar garaipena
Lurralde-aldaketak	Aljeria
Gudulariak
Frantzia  Otomandar Inperioa Aljerreko Erregeordetza Abdelkaderren emirerria Ait Abbastarren Erresuma Tuggurteko sultanerria Kel Ahaggar Babesa: Marokoko sultanerria
Buruzagiak
Bertrand Clausel Pierre Bertheéne Anne Jean Marie René Savary Théophile Voirol Jean-Baptiste Drouet Charles Marie Denys† Sylvain Valée Thomas Bugeaud Hussein Dey Ahmed Bey Abdalkader emirra Lalla Fatma N'Soumer Cheikh Mokrani Salaman IV.a Mohammed Ag Bessa Babesa: Abd ar-Rahman Marokokoa
Indarra
34.000 (1827) 160.000 (1857) ezezagunak

Aljeriar erresistentzia banaturik zegoen: ekialdean Ahmed Bey Konstantinako bey eta mendebaldean Kabiliako indar nazionalista berbereak zeuden. Abdelkaderren nazionalistekin itunak sinatuz, frantziarrek lehendabizikoz otomandar mehatxua suntsitzeari ekin zioten eta 1837an Konstantina bereganatu zuten.^[4] Abdelkaderrek mendebaldean erresistentzia mantentzea lortu zuen. 1842an frantziar kanpaina oldarkor baten ondorioz, Marokorantz bidali eta gerrilla-gerra erabili zuen. Hala ere, Lehen Franko-Marokoar Gerran garaipena lortu eta gero, frantziar presio diplomatikoak Abdelkader Marokotik egostea lortu zuen. 1847an amore eman zuen frantziarren aurrean.