Carlos Anasagasti Zulueta

Carlos Anasagasti Zulueta (Demiku, Bermeo, 1910eko azaroaren 4a - Trinidad (Bolivia) 1998ko uztailaren 25a) misiolari bizkaitarra Bolivian gotzaina izan zen 1953tik 1986ra arte. Ordena Frantziskotarrean sartu zen 1917an. Alemanian ikasketetan ibili ondoren, bere eliz ikasketak amaitu zituen Arantzazun eta 1934an ordenatu zen. Gudari-kapilaua izan zen 36ko gerran Bizkaian. 1939an Paraguaira joan zen misiolari. Bertan lan mota asko egin zituen: predikari, katekista, bizitza sozialeko antolatzaile, baita eraikin- eta zubi-eraikitzaile ere. Paraguaiko Villarricako bikario orokorra izan zen gero.^[1]

Carlos Anasagasti Zulueta
Irudi gehiago
apezpiku titular 1953ko ekainaren 29a - Elizbarrutia: Caltadria (en) bikario apostoliko 1953ko ekainaren 29a - Elizbarrutia: Apostolic Vicariate of El Beni (en)
Bizitza
Jaiotza	Bermeo, 1910eko azaroaren 4a
Herrialdea	Bizkaia, Euskal Herria
Heriotza	Trinidad, 1998ko uztailaren 25a (87 urte)
Hezkuntza
Hizkuntzak	gaztelania
Jarduerak
Jarduerak	apaiz katolikoa eta apezpiku katolikoa
Ideologia eta sinesmenak
Erlijioa	Erromatar Eliza Katolikoa
Erlijio-ordena	Anaia Txikien Ordena

1953an gotzain izendatzen dute Bolivian, Beni departamentuan, oso lurralde atzeratu eta txiroan, eta bertan gotzain moduan aritu zen 1986ra bitarte, 75 urterekin erretiratu zen arte.^[2][3] Gotzain gisa ez, baina erretiratu zenetik hil arte Beni departumentuko Guacaraje herrian jarraitu zuen lanean.

Guaraniera ikasi zuen bertakoekin hobeto integratzeko. Gizarte-sustapenerako politika bat eraman zuen mendiko jendearen artean. Hegazkin txiki bat pilotatzen zuen bere eragile-lan horretan urrutiko komunitateetara ere heldu ahal izateko.

Fradu Baserrikoa zen Anasagasti.