Drosel

Drosela errezel baten itxura hartzen duen estalki arkitekoniko bat da, apaingarri gisa jartzen estatuen buruen gainean.^{[oh 1]}

Artikulu hau egitura arkitektoniko gotiko buruzkoa da; beste esanahietarako, ikus «Dosel (argipena)».

Drosel
canopy (en) eta ahots-itzulkina
Irudi gehiago

Ezaugarriak

Drosela arkitektura gotikoaren elementu bereizgarria da, gero aro neogotikoan berriro errepikatu zena, gehienetan harri landuz egina, nahiz eta sarritan zurez ere egina izan, batez ere elizetako erretauletan.

Apainketa aberats eta detaile txiki askoko ganga-formako elementu txikia izan ohi da, pinakuluz errematatua, gotikoaren estetikaren arabera. Ohikoa da fatxadetan, eta eliz atarietako atezangoetan eta maineletan ere horietan eskulturarik bada. Azken horien adibide bikainak daude Euskal Herriko eliz atari nabarmen batzuetan, adibidez Lekeitioko, Guardiako eta Debako eliz atarietan^[1] edo Iruñeko katedraleko Babesaren Atean. Lekeitioko Santa Maria basilikan, gordetzen diren estilo flandriarreko erretauletan ere adibide bikainak daude.^[2]

Iruditegia

Mundukoak

• 
  Hamar birjinak, Magdeburgoko katedrala.
• 
  Lleidako La Seu zaharrean, azpiko eskultura desagertuta.
• 
  Droselak Amiensko katedrala apaintzen.
• 
  Zurezko drosel landua, Rennesko erretaula batean.
• 
  Erretaula gotikoa: Pere Johanen lana alabastroan (1426-1434), Tarragonako katedrala.
• 
  Ahots-itzulkin bat Alemaniako eliza batean.

Euskal Herrikoak

• 
  Iruñeko Karlos III.a Nafarroakoaren eta Leonor Trastamarakoaren hilobia, drosel ikusgarriak dituen monumentua.
• 
  Droselak Guardiako eliz atarian, Araba.
• 
  Debako eliz atariko mainelean, Kristoren gainekoa.
• 
  Babesaren Atea Iruñeko katedralean: Andre Mariaren gaineko drosel bikain landua.
• 
  Pasioaren triptikoa, Lekeitioko basilikan. Zurezko droselen bilduma ikusgarria.