Edurne Brouard

Edurne Brouard Aldamiz (Bilbo, Bizkaia, 1959ko urriaren 23a) politikaria izandakoa eta euskaltzalea da.^[1] Gaur egun, euskara irakaslea Lea Artibaiko AEKn.^[2]

Edurne Brouard
Diputatua Eusko Legebiltzarrean 1987ko urtarrilaren 8a - 1990eko urtarrilaren 30a - Margarita Bilbao Soler → Barrutia: Bizkaia Hautetsia: Eusko Legebiltzarreko III. legealdia
Bizitza
Jaiotza	Bilbo, 1959ko urriaren 23a (65 urte)
Herrialdea	Bizkaia, Euskal Herria
Familia
Aita	Santiago Brouard
Ama	Teresa Aldamiz
Hezkuntza
Heziketa	Deustuko Unibertsitatea
Hizkuntzak	euskara gaztelania
Jarduerak
Jarduerak	Euskalzalea, politikaria eta irakaslea
Kidetza	Alfabetatze Euskalduntze Koordinakundea

Santiago Brouard, 1984an GALek hildako Herri Batasunako politikariaren alaba da.^[3]

Lehen ikastoletan hasi zen ikasten, moja kolegio batean segitu zuen gero, eta UBI Txurdinagako institutuan osatu zuen.

Deustuko Unibertsitatean pedagogian diplomatura ikasi zuen, eta aldi berean AEKn hasi zen irakasle lanean.^[4] Korrika euskararen aldeko lasterketaren koordinatzailea izan zen 2013 arte.^[5][6] Korrikaren antolakuntzan lan egin zuen azken hogeita hamar urtean, eta zuzendaritzan, azken seian.

21. KORRIKAren amaieran, zain, Iruñean.

2020. urtean, Korrikaren lehendabiziko edizioaren berrogeigarren urtemugaren aitzakian, harengana jo zuten, hasierako edizioetako giroa azal zezan eta, horrez gain, euskararen aldeko ekimen erraldoia behar-beharrezkoa dela aldarrikatu zuen.^[7]

1987an Eusko Legebiltzarreko parlamentari izan zen Herri Batasuna alderdia ordezkatuz aukeratuta. Kargua utzi ondoren, Margarita Bilbao Soler-ek ordezkatu zuen 1990ean.^[8]