Elea

Elea^[1] (antzinako grezieraz: Ἐλέα, Elaia; latinez eta italieraz: Velia) Italiako hegoaldeko antzinako hiria, Magna Graecia izeneko lurraldean. Foziako kolonoek eraiki zuten K.a. 535 urtean. Bertako filosofoei zor die batez ere ospea: Melisos, Parmenides, Xenofanes, Zenon.

Cilento eta Vallo di Diano Natura Parkea Paestum eta Veliako aztarnategi arkeologikoekin batera, eta Certosa di Padula1 UNESCOren gizateriaren ondarea
Aztarnategia eta dorrea.
Mota	Kulturala
Irizpideak	iii, iv
Erreferentzia	842
Kokalekua	Italia
Eskualdea2	Europa/Ipar Amerika
Koordenatuak	40°09′34″N 15°09′15″E
Izen ematea	1998 (XXII. bilkura)
1 UNESCOk jarritako izen ofiziala (euskaratua) 2 UNESCOren sailkapena

Eleako filosofoak

Sokratesen aurreko Eleako filosofoak K.a. VI-V. mendekoak izan ziren. Joniako filosofoek ez bezala, elearrek uste zuten izatea bat, bera eta betikoa zela. Xenofanes izan zen eskola haren sortzailea eta Parmenides, Zenon eta Meliso izan ziren eskola horretako filosofo nagusiak.