Exonimo eta endonimo

Exonimo eta endonimo hizkuntzalaritzan erabiltzen diren nazioarteko hitzak dira (cf. ingelesezko exonym eta endonym, frantsesezko exonyme eta endonyme, gaztelaniazko exónimo eta endónimo), lekuek, giza taldeek eta hizkuntzek izaten dituzten kanpotik emandako izenak eta barrutik emandako izenak bereizteko.

Esate baterako, Germany, Allemagne, Alemania exonimoak dira —kanpotik emandako izenak— eta Deutschland, endonimoa, alemanezkoa.