Ferran Latorre

Ferran Latorre i Torres (Bartzelona, 1970eko urriaren 18a-) kataluniar alpinista eta mendizalea da. "Piolet d'Or" saria birritan jaso du, 1995 eta 2008an. Espedizio anitzetan euskal alpinistekin batera ibili izan da.

Ferran Latorre
Irudi gehiago
Bizitza
Jaiotza	Bartzelona, 1970eko urriaren 18a (54 urte)
Herrialdea	Espainia
Hezkuntza
Heziketa	Kataluniako Unibertsitate Politeknikoa Aula Escola Europea
Hizkuntzak	gaztelania katalana
Jarduerak
Jarduerak	mendigoizalea
Jasotako sariak	ikusi Urrezko Pioleta  (1995, 2008)
ferranlatorre.com

2017ko maiatzean 14 Zortzimilakoak igo zituen lehenbiziko kataluniarra bilakatu zen.

Ibilbidea

14 urterekin kataluniar hibiburuko Centre Excursionista de Catalunya elkartearen mendi irteeretan parte hartzen hasi zen, bai eta alpinismoa, harkaitz-eskalada eta izotz-eskaladan jarduten ere. Lehenbizi Pirinioetako gailurrak igotzen hasi zen, ondoren Alpeetakoak eta azkenik Himalaiakoak.

Espedizio nagusiak hauek izan dira, kronologikoki agertzen direnak:

• Shisha Pangma (8.008 m), 1992.

• Annapurna (8.091 m), 1999. Juanito Oiarzabalekin batera, bere 14. zortzimilakoa egin zuena, eta Juan Vallejorekin.

• Makalu (8.465 m). 7600 m-tara iritsi zen, ezin tontorreraino iritsi klima baldintza txarrengaitik.

• Manaslu (8.156 m), 1999.

• Everest (8.846 m). Bi saiakera oxigeno barik, 8700 m-tara iritsi zen, tontorrera iritsi gabe.

• K2 (8.611). Juanito Oiarzabal, Juan Vallejo, Mikel Zabalza eta Edurne Pasabanekin. 7900 m-tara iritsi zen.

• Kangchenjunga (8.586). Juan Vallejo, Mikel Zabalza eta Josu Bereziartuarekin. 8.500 metrotara iritsi ziren, klima baldintza txarrengaitik gelditu ziren.

• Everest. Juan Vallejo eta Alberto Iñurrategirekin, 8.200 metrotan gelditu ziren.

• Broad Peak (8.047), 2007. Edurne Pasaban, Iván Vallejo eta Silvio Mondinelli, azken honek bere 14. zortzimilakoa egin zuen.

• Dhaulagiri (8.167 m), 2008. Edurne Pasaban eta Iván Vallejorekin, azken honek bere 14. zortzimilakoa egin zuen.

• Gasherbrum IV. Alberto Iñurrategi, J.C. Tamayo, Mikel Zabalza eta Juan Vallejorekin.

• Kanchenjunga (8.586 m), 2009. Edurne Pasaban eta Juanito Oiarzabalekin.^[1]

• Lhotse (8.516 m), 2013. Enric Llonchekin.^[2]

• Cho Oyu (8.201 m), 2013. Azim Ghychisazekin.^[3]

• K2 (8.611 m), 2014.

• Gasherbrum I, 2015. Yannick Graziani, Tom Seidensticker eta Muhammad Sadiq-ekin.^[4]

• Makalu, 2016.^[5]

• Nanga Parbat, 2016.^[6]

• Everest, 2017.^[7]

Ikus, gainera

• Bartzelonar ezagunen zerrenda