Iñaki Azkuna

Iñaki Azkuna Urreta (Durango, Bizkaia, 1943ko otsailaren 14a - Bilbo, Bizkaia, 2014ko martxoaren 20a) euskal herritar politikari jelkidea eta Bilboko alkatea izan zen.

Iñaki Azkuna
Irudi gehiago
Bilboko alkatea 1999ko uztailaren 14a - 2014ko martxoaren 20a ← Josu Ortuondo - Ibon Areso → 10. Eusko Jaurlaritzako Osasun Sailburua 1991ko otsailaren 7a - 1999ko urtarrilaren 2a ← Jose Manuel Freire - Gabriel M.ª Inclán Iribar →
Bizitza
Jaiotza	Durango, 1943ko otsailaren 14a
Herrialdea	Bizkaia, Euskal Herria
Heriotza	Bilbo, 2014ko martxoaren 20a (71 urte)
Heriotza modua	berezko heriotza: prostatako minbizia
Hezkuntza
Heziketa	Salamancako Unibertsitatea Medikuntzako doktorea
Hizkuntzak	gaztelania
Jarduerak
Jarduerak	medikua, politikaria, kardiologoa, unibertsitateko irakaslea eta erradiologoa
Enplegatzailea(k)	Euskal Herriko Unibertsitatea Gurutzetako Unibertsitate Ospitalea
Jasotako sariak	ikusi Ohorezko Legioko ofiziala Osasuneko Ordena Zibileko Gurutze Handia  (1999) World Mayor  (2012)
Kidetza	Euskal Herriko Medikuntzaren Errege Akademia
Sinesmenak eta ideologia
Alderdi politikoa	Eusko Alderdi Jeltzalea

Biografia laburra

Durangoko familia euskaldun batean jaioa izan arren, ez zekien euskaraz; Azkuna askotan kexatu zen frankismoaren eraginez galdu zuela ama hizkuntza, beste askok bezala.^[1]

Medikuntza eta Kirurgia ikasi zuen Salamancako Unibertsitatean, eta lizentziatura 1966. urtean lortu. Bost urte geroago doktoretza amaitu zuen. 1973. urtetik aurrera, medikuntza fisiko eta erradiologiako irakasle izan zen Euskal Herriko Unibertsitatean. Urte berean, Gurutzetako Ospitaleko mediku bihurtu zen.

1981ean Gurutzetako Ospitaleko lehendakari izendatu zuten. Eta bost urte beranduago, 1986. urtean Gurutzetako Ospitaleko erradiologiako zerbitzuaren buru. 1999tik Bilboko alkatea izan zen, 2014an hil zen arte. Bere agintaldiak, Bilboren berritzea indar gehiagorekin egin den urteekin bat egin du.

2012ko irailaren 14an, Azkunaren emaztea hil zen.^[2] 2013ko urtarrilean, Munduko Alkate saria eman zion City Mayors Fundazioak, Bilbo eraldatzeagatik.^[3]

2014ko otsailaren 22an, jatetxe batean otordua egiten ari zela kordea galdu zuen, eta ospitalera eraman zuten. Martxoaren 20an minbiziak hil zuen.^[4]

Emaitzak udal hauteskundeetan

Bilboko udala

Urtea	botoak	botoen %a	zinegotziak
1999ko udal hauteskundeak	58.772	%31,48	9 (29tik)
2003ko udal hauteskundeak	82.176	%41,79	12 (29tik)
2007ko udal hauteskundeak	64.881	%41,90	13 (29tik)
2011ko udal hauteskundeak	74.376	%44,16	15 (29tik)

Kargu politikoak

• 1982: Eusko Jaurlaritzako ospitaleen burua.
• 1983-1987: Osakidetzako zuzendaria.
• 1991-1999: Eusko Jaurlaritzako Osasun Sailburua.
• 1999-2014: Bilboko alkatea.

Kondekorazioak

• Frantziako Ohorezko Legioaren Ordenako ofiziala^[5]
• Espainiako Osasunaren Ordena Zibileko Gurutze Handia