Ingux

Inguxa^[2][3](inguxeraz: ГIалгIай, Ghalghai; errusieraz: Ингуши) Iparraldeko Kaukasoko talde etnolinguistikoa da. Gehienak Inguxetian bizi dira. Txetxenian eta Ipar Osetia-Alaniako Vladikavkaz eskualdean eta Prigorodni barrutian multzo txiki batzuk daude.

Ingux herria
(ezkerretik eskuinera): Ruslan Aushev, Murat Ziazikov, Junus-Bek Jevkurov, Magomed-Said Pliyev
Biztanleak guztira
461 800
Biztanleria nabarmena duten eskualdeak
Errusia 444.833 (2010[1]) Inguxetia 385.537 Txetxenia 1.296 Ipar Osetia-Alania 28.336  Kazakhstan 16.893
Hizkuntza
Inguxera
Erlijioa
Islam Shaafia
Zerikusia duten beste giza taldeak
Txetxenak

Beren hizkuntza, inguxera, kaukasiarra da, Ipar-Ekialdeko taldekoa^[4]. Gehienak Shaafi eskolako musulmanak dira.

Inguxek historia, kultura eta hizkuntza loturak dauzkate txetxenekin.

Historia

XIX. mendean inguxak Errusiar Inperioaren menpean gelditu ziren. 1936an Txetxenia-Inguxiako errepublika autonomoa eratu zen. Bigarren Mundu Gerraren ostean, Joseph Stalinek Kazakhstan eta Siberiara deportatu zituen, Alemania Naziarekin kolaboratu izana leporaturik. Erbestealdian biztanleriaren erditsua hil zen. 1957an, Nikita Khrustxev agintera iritsi zelarik, beren herrira itzultzen utzi zieten^[5].

1991n Dzhojar Dudaiev txetxen buruzagiak Txetxeniaren burujabetza aldarrikatu zuenenan, inguxek banantzea eta Errusiaren barneko errepublika autonomo bat eratzea erabaki zuten^[6].