Joaquim Agostinho

Joaquim Agostinho (Torres Vedras, 1943ko apirilak 7-1984ko maiatzak 10) txirrindulari portugaldarrik hoberenetako bat izan zen. Bere kirol karrera 1968 eta 1984 artean hedatu zen.

Joaquim Agostinho
Irudi gehiago
Bizitza
Jaiotza	Torres Vedras, 1943ko apirilaren 7a
Herrialdea	Portugal
Heriotza	Lisboa, 1984ko maiatzaren 10a (41 urte) (41 urte)
Heriotza modua	: altueratik erortzearen ondoriozko heriotza
Hezkuntza
Hizkuntzak	portugesa
Jarduerak
Jarduerak	txirrindularia
Ibilbidea
Taldeak	Urteak
Puch-Sem-Campagnolo (en)	1980-1980
Bic	1973-1974
Teka	1976-1977
Flandria	1978-1979
Sporting	1975-1975
Sporting	1968-1968
Frimatic-de Gribaldy	1969-1972
Sem	1981-1983
Parte-hartzailea Espainiako Vuelta Frantziako Tourra 1974 Super Prestige Pernod (en) (10.) 1980 Super Prestige Pernod (en) (7.)
Jasotako sariak	ikusi Officer of the Order of Prince Henry

Biografia

Torres Vedras herrian jaioa, Lisboatik ez oso urruti, nekazari familia xume batean, nortzuri, bere lehen hezkuntzako ikasketak amaitu ondoren nekazal lanetan lagundu behar izan zien. Soldadutza egitera joan behar izan zuen Portugal bere afrikar kolonia zen Mozambikeren aurka gerran zegoenean, eta frontera bidali zuten, non bi urte eta erdi eman zituen. Behin gerra amaitu ondoren bertan geratzea erabaki zuen, azukre enpresa batean lan egiten, baina laster itzuli zen Portugalera.

Kirol ibilbidea

Jean de Gribaldyk aurkitua, Agostinho, altueraz baxua zena, baina gorputz sendokoa zena, edozein kiroletan nabarmentzea ahalbidetuko zioten baldintza fisiko bikainez hornitua zegoen. Txirrindularia zen bere lagun batek bizikletarekin proba egin zezan konbentzitu zuen, proba ondo irten zen eta Agostinho, 25 urterekin, txirrindularitza talde batean sartu zen.

Frimatic taldea 1970ean, Jean de Gribaldy eta Agostinho eskuinean daudela.

Laster hasi zen nabarmentzen eta talde guztiek borrokatu zuten euren artean izateko luxuzko laguntzaile bezala. Urte bete eman zuen Magniflex talde italiarrean, bi Bicen, non Luis Ocañari 1973ko Frantziako Tourra irabazten lagundu zion. 1975ean Lejeune taldeak fitxatu zuen, eta hurrengo urtean Teka talde espainiarrera joan zen. Bi urte beranduago Flandria talde belgiarrera joan zen, honen ondoren Puch eta Sem taldeetara joan zelarik. 1984an modu erabakigarrian lagundu zuen lehen txirrindularitza talde profesionala sortzen.

41 urterekin, Skil taldeagatik fitxatzeko ikuspegia zuen eta Frantziako Tourra 14. aldiz korritzekoa, hala Joop Zoetemelken errekorra berdinduz, baina maiatzak 1ean, Algarveko Itzuliaren 5. etaparen azken metroetan lehiatzen ari zenean, proba honetako liderra zelarik, txakur bat bere bidean gurutzatu zen eta jausiarazi egin zuen. Jasan zituen zaurien ondorioz, Joaquim Agostinho hamar egun geroago hil zen.

Palmaresa

Bere palmaresean 67 garaipen ditu, hauek nabarmentzen direlarik:

1968

• Portugalgo errepide txirrindularitza txapelketa
• Portugalgo erlojupeko txirrindularitza txapelketa
• Sao Pauloko Itzulia

1969

• Portugalgo errepide txirrindularitza txapelketa
• Portugalgo erlojupeko txirrindularitza txapelketa
• Baracchi Garaikurra Herman Van Springelekin
• Robbialac Sari Nagusia eta bi etapa
• Riopeleko Sari Nagusia eta etapa bat
• 8. Frantziako Tourrean eta 2 etapa
• Portugalgo Itzulian etapa 1
• Luxenburgoko Tourrean etapa 1

1970

• Portugalgo errepide txirrindularitza txapelketa
• Portugalgo erlojupeko txirrindularitza txapelketa
• Portugalgo Itzulia eta lau etapa
• 3. Montjuïceko Igoeran

1971

• Portugalgo errepide txirrindularitza txapelketa
• Portugalgo erlojupeko txirrindularitza txapelketa
• Portugalgo Itzulia eta zortzi etapa
• Sintrako Sari Nagusia eta bi etapa

1972

• Portugalgo errepide txirrindularitza txapelketa
• Portugalgo erlojupeko txirrindularitza txapelketa
• Portugalgo Itzulia eta lau etapa
• Sintrako Sari Nagusia eta etapa 1
• Suitzako Itzulian bi etapa
• Torres Vedras Sari Nagusian bi etapa

1973

• Portugalgo errepide txirrindularitza txapelketa
• Portugalgo erlojupeko txirrindularitza txapelketa
• Portugalgo Itzulian zazpi etapa
• Frantziako Tourrean etapa 1

1974

• 2. Espainiako Itzulian eta bi etapa
• 3. Setmana Catalanan
• 6. Frantziako Tourrean

1975

• 3. Tour de l'Auden

1976

• 7. Espainiako Vueltan eta etapa 1
• 3. Euskal Herriko Itzulian

1977

• Frantziako Tourrean etapa 1
• Meatze Haranetako Itzulian bi etapa

1978

• 3. Frantziako Tourrean

1979

• 3. Frantziako Tourrean eta etapa 1
• Midi Libren etapa 1

1980

• 3. Dunkerqueko Lau Egunetan

1984

• Algarveko Itzulian etapa 1

Sailkapen orokorra Itzuli Handietan

Itzuli Handia		1968	1969	1970	1971	1972	1973	1974	1975	1976	1977	1978	1979	1980	1981	1982	1983	1984
	Italiako Giroa	—	—	—	—	—	—	—	—	UT	—	—	—	—	—	—	—	—
	Frantziako Tourra	—	8.	14.	5.	8.	8.	6.	15.	—	13.	3.	3.	5.	UT	—	11.	—
	Espainiako Vuelta	—	—	—	—	UT	6.	2.	—	7.	15.	—	—	—	—	—	—	—

Taldeak

Frimatic-Jean de Gribaldy taldea 1969an, ezkerrean Joaquim Agostinho.

• Frimatic-Jean de Gribaldy (1969-1970)
• Hoover (1971)
• Magniflex - de Gribaldy (1972)
• Bic (1973-1974)
• Teka (1976-1977)
• Flandria (1978-1979)
• Puch-Sem-Campagnolo (1980)
• Sem-France Loire (1981-1983)
• Sporting Lisboa-Raposeira (1984)

Joaquim Agostinho garaikurra

Torres Vedras Sari Nagusia izenez aldatu zen Joaquimen hil ondorengo omenez, hala Joaquim Agostinho Garaikurra deitzera pasatuz. Proba hau, portugaldar txirrindularitzako garrantzitsuenetako bat bihurtu da.

Monumentuak eta ohoreak

• Torres Vedrasen, Parque Verde da Várzearen goikaldeko zatian Joaquim Agostinhori ohore egiten dion monumentu bat eraiki zen.
• Silveirako lorategian ere txirrindulari honen omenezko monumentu bat eraiki zen, 1989ko maiatzak 14an inauguratu zena.
• Silveiran, gainera, Joaquim Agostinho etorbidea izena eman zitzaion, Kontseilu Parrokiala eta txirrindularia lurperatua dagoen tokia.
• Santa Cruz hondartzaren erdialderako sarrerako etorbide nagusian, Kanpingeko biribilgunetik abiatuta, Joaquim Agostinho Etorbidea izena eman zitzaion.
• Frantzian, Alpe d'Huezen 14. kurban 1,70 metroko altuera, 70 zentimetroko zabalera eta 70 kiloko pisua duen brontzezko soingain bat altxatzen da. Hiru metroko altuera duen granito berdezko idulki baten gainean pausatzen da. Estatua, 1979ko Frantziako Tourrean Alpe d'Huezen lortutako etapa garaipena oroitzeko da, Tourrean hirugarren postuan bigarren aldiz amaitu zuenean. Sekula ez zuen beste portugaldar txirrindulari batek etapa honetan irabazi.
• Kale bat du Lisboan.