Jone Laspiur

Jone Laspiur Gorosabel (Intxaurrondo, Donostia, Gipuzkoa, 1995) aktorea, artista eta Nakar taldeko abeslaria da.^[1] 2021ean Emakumezko errebelazio aktore onenaren Goya Saria jaso zuen Anen egindako lanagatik.^{[2][3] [4][5][6]}

Jone Laspiur
Bizitza
Jaiotzako izen-deiturak	Jone Laspiur Gorosabel
Jaiotza	Donostia, 1995 (29/30 urte)
Herrialdea	Gipuzkoa, Euskal Herria
Hezkuntza
Heziketa	Euskal Herriko Unibertsitatea Madrilgo Complutense Unibertsitatea Universidad del Museo Social Argentino (en)
Hizkuntzak	euskara gaztelania ingelesa
Jarduerak
Jarduerak	aktorea eta zinema aktorea

Biografia

Arte Ederretako ikasketak egin zituen. Koban eta Nogen musika taldeetan aritu zen. Etxean asko sustatu zioten sorkuntza. Aita artista plastikoa du, eta ama, irakaslea. Amaraberri eskola modeloan ikasi zuen, eta askotariko diziplinak sustatu zizkioten.

Aktore ibilbidea

2020an estreinatu zen zinema eta telebista aktore, Donostiako Zinemaldian plazaratu ziren hiru lanetan: Ane eta Akelarre filmetan eta Alardea telesailean, alegia.^[7]

2021ean emakumezko aktore hasi berrien errebelazio sarirako izendatu ez ezik,^[8][9] irabazi ere egin zuen.^[3][2]

2023an Negu hurbilak (2023) filmean parte hartu zuen. Euskaldun eta katalanez osatutako Negu kolektiboaren opera Prima izan zen. Filmeko aktore profesional bakarra izan zen, besteak Zubietako herritarrak izan baiziren.^[10][11] Suitzako LXXVII. Locarno zinema jaialdian Epaimahaiaren Aipamen Berezia jaso zuen filmak.^[12]

Filmografia

Telebista

Urtea	Telesaila	Katea	Pertsonaia	Oharrak
2020	Alardea	ETB1	Katixa	4 ataletan

Filmak

Urtea	Filma	Pertsonaia	Oharrak
2020	Ane	Ane
2020	Akelarre	Maider
2020	Polvo somos	Ane	Film laburra.
2021	Maixabel	Mariaren laguna
2022	Kordak	Aktibista
2023	Negu hurbilak		protagonista
2025	Faisaien irla	Laida
2025	Karmele

Musika

2022tik aurrera, Nakar postpunk musika taldeko abeslaria da.