Klovis I.a

Klovis edo Klodoviko I.a^[1] (Tournai, 465 – Paris, 511) frankoen erregea izan zen 481-511 bitartean.

Klovis I.a
Irudi gehiago
Frankoen erregea 481 - 511ko azaroaren 27a ← Txilderiko I.a - Teodoriko I.a Austrasiakoa, Klodomir, Txildeberto I.a, Klotario I.a → Erromako kontsula
Bizitza
Jaiotza	ezezaguna, 466 (egutegi gregorianoa)
Herrialdea	Frankoen Erresuma
Heriotza	Paris, 511ko azaroaren 27a (44/45 urte)
Hobiratze lekua	Abbey of St Genevieve (en)
Familia
Aita	Txilderiko I.a
Ama	Basina Turingiakoa
Ezkontidea(k)	frankish princess (en) Clotilde (en)  (493 -  511ko azaroaren 27a)
Seme-alabak	ikusi Teodoriko I.a Austrasiakoa Ingomer (en) Klodomir Txildeberto I.a Klotario I.a Klotilde (bisigodoen erregina)
Haurrideak	ikusi Audofleda Lantilde Aboflede
Leinua	Merovingiar leinua
Jarduerak
Jarduerak	monarka
Ideologia eta sinesmenak
Erlijioa	paganismo germaniarra kristautasuna

Bizitza

Aita Txilderiko I.a hil zenean (481), Tournaiko franko saliarren errege izendatu zuten.^{[oh 1]} Klotilderekin ezkondu zen.

486ean, Soissonsko guduan Siagrio jeneral erromatarra garaitu zuen, "erromatarretan azkena". Alamanei irabazi zien (495), baita burgundiarrei ere (500). 507an, Loira ibaia gurutzatu zuen Tolosa Garonako Bisigodoen Erresuman gaindi, eta Septimaniako mugetara heldu. Alariko II.a erregea hiltzera heldu zen, Vouilléko guduan. Monarkia franko merovingiarraren fundatzailea eta ia Galia osoko errege bakar bihurtu zen. Ondorioz, Erromako berant inperioaren Ekialdeko enperadoreak kontsul titulua eman zion.^[2]

Bere emazte Klotilderen eta Reimseko San Remigio apezpikuaren eraginez katolizismora aldatu zen; katolizismoa babestu eta Orléansko kontzilioa bildu zuen (496an gutxi gorabehera). Bere heriotzaren ondoren, erresuma bere lau semeen artean banatu zen: Txildeberto, Klodomiro, Klotario eta Teodoriko.

Genealogia

Izena

Chlodovech forma frankikoa latindu eta Chlodovechus izena hartu zuen; geroago, berriz, Ludovicus. Frantseseko Louis izena bertatik dator, eta gaztelaniazko Luis ere bai. Euskaraz, jatorrizko Chlodovech formatik sortu zituen Sabin Aranak, bere izendegian, Koldobika izena eta haren laburdura Koldo.