Miren Narbaiza

Miren Narbaiza Martiartu (Eibar, Gipuzkoa, 1986ko maiatzaren 3a) euskal abeslaria da. Gaur egun, MICE ezizenarekin, bakarlari ari da; eta 2017 arte, Napoka Iria bikoteko partaide izan zen. Kazetaria da ikasketaz.^[1]

Miren Narbaiza
(2017) Irudi gehiago
Bizitza
Jaiotza	Eibar, 1986ko maiatzaren 3a (39 urte)
Herrialdea	Gipuzkoa, Euskal Herria
Hezkuntza
Hizkuntzak	euskara gaztelania
Jarduerak
Jarduerak	musikagilea eta abeslaria
Musika instrumentua	ahotsa

Ibilbidea

2005ean Ander Mujikarekin elkartu eta Napoka Iria taldea sortu zuten. Hiru disko atera zituzten eta Euskal Telebistako Tumatxak saioan ere hartu zuten parte, euskal musika taldeen bertsioak eginez.

2017an emakumeen ikusgaitasuna sustatzeko sorturiko Euskal Herriko emakume musikarien sarean parte hartzen du.^[2] Harago joz, beste sei emakume (Izaro Andres, Eneritz Dueso, Garazi Esnaola, Idoia Hernández, Olatz Salvador, Lide Hernando) kiderekin batera Musikari elkarteko zuzendaritzan ere ari da.^[3][4]

2017an taldea desegin zen eta Mirenek bakarkako proiektu berri bati ekin zion MICE ezizenarekin. Urte berean atera zuen aurreneko diskoa, MICE izenekoa. Joseba Baleztena eta Ilargi Agirre izan zituen bidelagun. 2018an abesti bat atera zuen Bizia arnas izenekoa eta 2019an bigarren bakarkako lana kaleratu zuen, Zilar printzak EPa, lau kantarekin osatua.^[5]

Diskografia

Napoka Iria

• Napoka Iria (autoekoizpena, 2006)^[6] - maketa
• Lehertarazi edifizioak (Bonberenea Ekintzak, 2011)^[7]
• Arnasten ikasteko berriz (Bonberenea Ekintzak, 2013)^[8]

Bakarka

• MICE (2017, autoekoizpena)^[9]
• Bizia arnas (2018, autoekoizpena) abestia
• Ez diren gauzak (2018, Elkar). Gure oroitzapenak Joseba Sarrionandiaren unibertso literarioa hedatzeko proiekturako sortutako abestia, idazlearen beraren poema baten hitzak erabilita.^[10]
• Zilar printzak (2019, Erraia)^[11] - 4 abesti
• Lautada (2022).^[12]

Ikus, gainera

• Euskal Herriko musika garaikidea