Lide Hernando

Lide Hernando Muñoz (Donostia, Gipuzkoa, 1991) abeslaria eta gitarra-jotzailea da. Liher rock taldeko abeslari izan ostean, Bele izeneko bakarlari proiektua abiatu zuen. Emakumezkoek osatutako Ispirit gospel taldean ere badabil.^[1] 2024 eta 2025ean zehar Fermin Muguruzaren 40 urteko birarekin arituko da^[2].

Lide Hernando
Bizitza
Jaiotza	Donostia, 1991 (33/34 urte)
Herrialdea	Gipuzkoa, Euskal Herria
Hezkuntza
Hizkuntzak	euskara gaztelania
Jarduerak
Jarduerak	musikaria
Genero artistikoa	rock
Musika instrumentua	ahotsa gitarra

Ibilbide

2015. urtean hasi zuen ibilbidea Liher proiektuak. Bakarkako maketa bat atera zuen orain taldeko abeslari eta gitarra-jole den Lide Hernandok, Arrazoi gutxi, denbora asko izenekoa. Ostera, talde bilakatu zen proiektua, eta egun Iñigo Etxarri (gitarra, koroak), Joshka Natke (baxua, koroak) eta Ander Berzosa (bateria) biltzen dira Liher izenaren azpian.

2017an emakumeen ikusgaitasuna sustatzeko sorturiko Euskal Herriko emakume musikarien sarean parte hartzen du.^[3] Harago joz, beste sei emakume (Izaro Andres, Eneritz Dueso, Garazi Esnaola, Idoia Hernández, Olatz Salvador, Miren Narbaiza) kiderekin batera Musikari elkarteko zuzendaritzan ere ari da.^[4][5]

2023an bere lehen eleberria den Izotz ura argitaratu zuen.^[6]

Popa, soula, funkya...musika estiloak ere lantzen ditu. "Oilo ipurdia" singlearekin egin zuen debuta.^[7]

2023an Bele bakarkako proiektua abiatu zuen.^[8]

2024an Herrari disko luzea atera zuen.^[9]

2025an Muturrez Zerura bigarren albuma argitaratu zuen.^[10][11]

Diskografia

Liher

• Arrazoi gutxi, denbora asko (Autoekoizpena, 2015)^[12]
• Hauts (Autoekoizpena, 2016)^[13]
• Tenpluak erre (Autoekoizpena, 2018)^[14]
• Hemen herensugeak daude (Liher Records, 2020)^[15]
• Eta hutsa zen helmuga (Liher Records, 2021)^[16]

Bele (bakarka)

• Herrari (Bidean Produkzioak, 2024)^[17]